O pasado Venres 22 de Xullo de 2011 realizouse no Salón de Actos do Centro Cultural de A Guarda a presentación da III Mostra das Tradicións Mariñeira, que se celebrará os días 30 e 31 de Xullo no Porto de A Guarda.

Neste evento, que foi presentado por Rosalía Verde, Técnica de Turismo do Concello de A Guarda, interviu o Alcalde de A Guarda, Sr. José Manuel Domínguez Freitas, a Xerente do GAC-7 Vigo-A Guarda, Sra. Elena Herbello Puentes e Marta da Costa, que realizou unha charla sobre o traballo das mulleres no mar.

Neste acto proxectouse un documental que vos amosamos ó final deste artigo sobre o traballo das mulleres no mar no que colaboraron diferentes persoas vencelladas o mundo do mar na Guarda.

O Alcalde de A Guarda agradeceu o traballo da Asoc. de Redeiras Atalaia, así coma de Xavier Crespo e Montserrat Magallanes, para a realización e coordinación deste Documental.

Para José Manuel Domínguez Freitas é importante destacar a dificultade da organización deste tipo de iniciativas, xa que é necesario ter diferentes aspectos en conta coma a súa localización e as aportacións de persoas, que desinteresadamente, cede artigos e aparellos do mar para que estean a disposición dos visitantes da Mostra.

Nesta edición contaráse con diferentes actividades coma exposicións fotográficas, etnográficas e culturais nas que participan agrupacións coma ANABAM, Orpagu e resaltar tamén o traballo dos percebeiros que nesta edición montarán unha taberna para degustar os manxares do noso mar.

A través do Grupo de Acción Costeira Vigo-A Guarda, do cal Elena Herbello é Xerente, se teñen realizado na Guarda diferentes actividades de dinamización e posta en valor dos productos e actividades vencelladas ó mar, coma a recente rehabilitación da Cetarea Redonda das Loucenzas e a Exposición fotográfica "As mulleres do Mar".

FOTOGRAFÍAS

VIDEOS