1. Datos generales:

- Nombre completo: Sandra González Álvarez
- Profesión actual o última ocupación: Alcaldesa
- Edad: 37 anos
- Lugar de nacimiento: Estás- Tomiño
- Lugar de Residencia: Estás- Tomiño

2. ¿Quienes componen la candidatura de su partido en estas elecciones municipales?

1.-Sandra González Álvarez
2.-Uxío Benítez Fernández
3.-Francisco Campo Lago
4.-Xaquín Villadangos Fernández
5.-Cristina Martínez Souto
6.-Lois Vázquez Calvo
7.-Olga Orduña Pereira
8.- Xosé María Regueiro
9.-Eva Martínez Rodríguez

3. ¿En qué línea de trabajo se basa su proyecto de cara a las próximas elecciones?

Continuar co labor de transformación que comezamos en Tomiño hai 4 anos.
A actual conxuntura económica marcada pola fonda crise que padecemos obriga ao que poñamos en marcha medidas para crear emprego e reactivar a economía local, e ímolo facer apoiando a formación e aos sectores produtivos do noso concello e traballando na consolidación do proxecto do Parque Empresarial aprobado.
Ademais levaremos a cabo novos proxectos para progresar no saneamento, na recuperación do patrimonio, apostando por políticas sociais e de igualdade nestes tempos de dificultade económica, que servirán tamén para crear emprego.

4. ¿Qué expectativas pretenden conseguir en estos comicios electorales?

O BNG presenta unha candidatura para gobernar Tomiño. Unha candidatura de mulleres e homes preparados para gobernar Tomiño. A nosa perspectiva é acadar maioría suficiente para continuar o proxecto que comezamos hai catro anos.

5. ¿Qué acciones en materia de infraestructuras marcan como prioritarias para su Concello? ¿Y para el Baixo Miño?

A infraestructura máis importante neste contexto é o Parque Empresarial xunto co remate da autovía e o treito III do Colector Xeral de saneamento.

6. ¿Qué políticas sociales y culturales llevarán a cabo si ganan las Elecciones Municipales de 2011?

Imos ter como prioridade a política social para axudar ás familias nestes momentos de dificultades económica.
A nivel cultural traballarase tanto nunha programación cultural diversa e rica como en fomentar o propio do noso concello como xa fixemos dende hai catro anos coas Treboadas, proxectos singulares como o Filminho e apoio á asociacións que teñen actividades nas parroquias.
A programación cultural en Tomiño a imos a desenvolver cunha vocación claramente transfronteiriza levando a cabo proxectos comúns con Vila Nova de Cerveira.

7. ¿Qué impresión tiene sobre el Concello? ¿Cómo lo definiría brevemente?

O concello de Tomiño é un concello de gran riqueza patrimonial e natural que comezamos a poñer en valor pero que ten aínda moito camiño cara o futuro nas mans dun goberno como o que ofrece o BNG.

8. A nivel local, ¿Qué tipo de medidas se pueden llevar a cabo desde la corporación municipal de cara a afrontar la actual crisis económica?

A primeira e máis importante é a execución do Parque Empresarial. Na consecución deste obxectivo traballouse durante catro anos e o resultado é que se aprobara un proxecto que estaba durante tanto tempo atrasado.
Ademais adoptaremos medidas na formación de persoas desempregadas e apoiaremos os sectores produtivos locais, sempre no camiño de reactivar a economía local e crear emprego.

9. A nivel personal, ¿Se siente preparado para encabezar el grupo de gobierno municipal si su partido gana las elecciones municipales 2011? ¿Qué motivos o aspiraciones le influyen para presentarse como candidato/a? ¿Qué político o persona importante de la historia admira o le inspira?

Despois destes catro anos a experiencia acumulada no goberno do concello facilitará moito esta tarefa. É un enorme orgullo asumir o compromiso de gobernar o meu propio concello, onde nacín, onde me criei e onde vivo... e ao mesmo tempo supón unha grande responsabilidade traballar cada día pola transformación de Tomiño e polo benestar da nosa xente. Teño a certeza de que ese traballo é eficaz e está a dar os seus froitos, permitindo que nestes anos o noso concello avance. E isto, obviamente, é motivo de satisfacción.
Tamén é importante sentir que tes detrás un numeroso grupo de xente que apoia e dálle forza á candidatura. A unidade e o traballo en equipo son sen dubida dúas caracterísiticas que definen ao BNG. En política non hai sitio para intereses particulares nin para iluminados ou salvadores, senón para equipos dispostos a traballar unicamente pola transformación de Tomiño, desde un proxecto concebido para avanzar e cun compromiso claro e colectivo.

Xosé Manuel Beiras é un referente para min co cal tiven a sorte de traballar durante cinco anos.

10. ¿Qué le diría a sus posibles votantes o simpatizantes?

Que falan os feitos. Nestes últimos anos púxose de manifesto un novo estilo de gobernar mais democrático e eficiente. Demostramos capacidade de xestión e traballo, sendo capaces de captar fondos de todas as administracións e con eles poñer en marcha proxectros necesarios para Tomiño.
Temos novos proxectos que son o noso compromiso para seguir transformando Tomiño, ese é o noso obxectivo. Moitas veces as cousas non van tan rápido como queremos , pero estou convencida de que cando as cousas se xetionan con visión de futuro acaban dando os seus resultados e os veciños e veciñas acaban recoñecendo.