1.- Datos generales

José Manuel Domínguez Freitas
Mestre
56 anos
Camposancos - A Guarda
Camposancos - A Guarda

2.- ¿Quen compón a candidatura do seu partido nestas eleccións municipais?

José Manuel Domínguez Freitas
Montserrat Magallanes Álvarez
Miguel Español Otero
Paulino Rodríguez González
Teresa Vicente Baz
Antonio Lomba Baz
Javier Crespo González
Carmen María Castro González
Almudena Verde Pérez
Diana Alonso Chaver
Miguel Suárez García
Flori Portela Amorín
Marta Alonso Rodríguez
Isabel González Álvarez
Eduardo Castro Rodríguez
Luz Alonso Carrero
José Bernardo Cadilla Lomba
Nuria Cerqueira Calatrava
Julia Sobrino González
Pedro Borrajo Rivas.

3.- ¿En qué liña de traballo se basea o seu proxecto de cara ás próximas eleccións?

A preocupación fundamental que teñen hoxe os cidadáns guardeses é o emprego. Por iso, a liña fundamental de actuación do noso proxecto é poñer as bases para que neste pobo poidan xenerarse, canto antes, postos de traballo. O impulso que solicitamos para o Parque Empresarial A Guarda - O Rosal, a organización de cursos para a cualificación dos nosos traballadores, as actuacións municipais en eidos coma o turismo, o comercio, etc teñen que ser eixos básicos da política municipal para os vindeiros anos na procura de creación de emprego. Non quero esquecer que vai ser moi importante administrar ben os recursos. O reto é dar os mesmos ou mellores servizos con menores ingresos.

4.- ¿Qué expectativas pretenden conseguir nestes comicios electorais?

Temos fundadas esperanzas de lograr un bo resultado que nos permita seguir a gobernar este concello. Coidamos que o traballo feito en tódalas concellerías é un importante aval diante dos votantes. En todo caso, a única resposta é a dos cidadáns o 22 de maio.

5.- ¿Qué accións en materia de infraestruturas marcan como prioritarias para o seu Concello? ¿E para o Baixo Miño?

Para o Baixo Miño, ter ultimado canto antes o vial Tui-A Guarda, que ten que incluir a variante ou circunvalación de A Guarda. Para A Guarda e O Rosal é prioritario dispoñer axiña de solo industrial, por iso a necesidade de contar siquera cunha fase urbanizada do Parque Empresarial.. Para A Guarda, a saída sur do porto e o remate da urbanización da estrada de circunvalación ó monte Trega.

6 e 7.- ¿Qué políticas sociais e culturais levarán a cabo se gañan as Eleccións Municipais de 2011?

As políticas sociais, culturais e deportivas que imos desenrolar na vindeira lexislatura, de gobernar, serán semellantes as actuais. Á atención ás persoas dependentes, unha programación cultural estable e variada e a potenciación do deporte base serán os obxectivos fundamentais. Para o deporte e a cultura precisamos infraestructuras: xa non chega cun campo de herba artificial e faise necesario un multiusos para moitos eventos culturais.

8.- ¿Qué impresión ten sobre o Concello? ¿Como o definiría brevemente?

A Guarda é un concello pequeno de extensión e grande en todo o demais. Os recursos naturais e a paisaxe, a prehistoria e a historia, o patrimonio, a cultura, a gastronomía e, sobre todo, as súas xentes conforman un conxunto inigualable. Poucos pobos poden presumir de ter algo coma o monte Trega, coa súa historia e as súas vistas; de contar coa riqueza de flora e fauna do esteiro do Miño; de ter praias marítimas e fluviais; de posuir un poboado castrexo de referencia; de ter un conxunto de casas indianas único; de contar con ducias e ducias de asociacións de todo tipo; de ter unha gastronomía recoñecida internacionalmente; de que as súas xentes sexan boas, emprendedoras e hospitalarias. Nunha palabra; témolo todo.

9.- A nivel local, ¿Qué tipo de medidas se poden levar a cabo dende a corporación municipal de cara a afrontar a actual crise económica?

Xa comentei algo anteriormente. Penso por un lado que hai que preparase para cando remate a crise. Será importante ter solo industrial dispoñible; por iso a importancia de desenrolar o Parque Empresarial. Será importante ter ás persoas cualificadas e preparadas para unha máis fácil insercción laboral; de aí a importancia dos cursos e accións formativas que poidan levrse a cabo tamén dende o concello. Será fundamental levar a cabo políticas que propicien a creación de emprego; é o que estamos a facer coa potenciación das políticas turísticas. Teremos que axudar a hostelería e ó comercio con obras e actividades que o reactiven. Só coa suma dos impulsos públicos e privados será posible remontar o voo.

10.- A nivel persoal, ¿Síntese preparado para encabezar o grupo de goberno municipal se o seu partido gaña as eleccións municipais 2011? ¿Qué motivos ou aspiracións lle inflúen para presentarse como candidato/a? ¿Qué político ou persoa importante da historia admira o lle inspira?

Síntome preparado porque ó meu lado teño un grupo de persoas con ganas, sentido común e preparación. E cando falo de preparación non me refiro á académica. Son persoas que tiveron e teñen responsabilidades na vida pública, con cargos en asociacións, con responsabilidades sindicais, que fixeron moitas cousas polos demais. Eu son unha especie de coordinador dese magnífico equipo que xa traballou moito nesta lexislatura e que o fará, mais se cabe, na seguinte. Non teño ningunha aspiración política máis alá de ser alcalde e preséntome, principalmente, porque penso que aínda teño cousas que aportar a este pobo e polo respaldo que sinto dos meus compañeiros e da cidadanía. De entre os políticos admiro a Felipe González. De entre os personaxes históricos, alguén do Renacemento: Leonardo da Vinci.

11.- ¿Qué lle diría aos seus posíbeis votantes ou simpatizantes?

Que imos gobernar, de obteñer o respaldo que agardamos, como o fixemos ata agora. Atendendo a todos por igual. Invertindo no rural e no casco. Facendo as cousas nun clima de normalidade, sen as broncas e os líos doutros tempos. Antepoñendo, en definitiva, os intereses de A Guarda a calquera outro interese.