Hoxe venres comeza o XVII Congreso Nacional do PP, co lema “Comprometidos con España”, que se vai desenvolver ata o próximo domingo 19 en Sevilla e no que participará unha ampla delegación pontevedresa.

En total, 96 compromisarios representarán ao PP Provincial de Pontevedra, dos que 84 son compromisarios electos e 12 membros natos, é dicir, persoas que ocupan distintos cargos no partido e aos que, en función dos estatutos desta formación política, lle corresponde asumir tamén a función de compromisarios.

A delegación pontevedresa estará encabezada polo presidente provincial, Rafael Louzán, e outros membros natos desta provincia entre os que destaca a ministra de Fomento Ana Pastor,  a presidenta do Parlamento de Galicia, Pilar Rojo, os deputados nacionais Irene Garrido, Paz Lago e Telmo Martín, os senadores por esta provincia Dolores Pan, Mariel Larriba e José Luis Rivera Mallo e o presidente de NNXX de Galicia, Javier Dorado.

Entre os compromisarios electos, viaxarán a Sevilla o conselleiro de Industria, Javier Guerra, o presidente do PP vigués, Chema Figueroa, o deputado provincial, Alberto Pazos Couñago, Jacobo Moreira, José Juan Durán, Vázquez Portomeñe e tamén estarán 17 concelleiros e 17  alcaldes da provincia pertencentes ao Partido Popular como Tomás Fole, alcalde de Vilagarcía, o alcalde de Lalín, Xosé Crespo, Agustín Reguera, alcalde de Soutomaior, o alcalde de Agolada, Ramiro Varela, a alcaldesa de Mos, Nidia Arévalo, o alcalde de Nigrán, Alberto Valverde, ademais doutros voceiros do PP como Beatriz Rosendo, voceira do PP en Vilaboa, Paula Romeu, de Tomiño, ou a deputada autonómica e voceira en A Guarda, Fátima Iglesias.

O número de compromisarios que participarán neste Congreso é o máis elevado das 4 provincias galegas e supera amplamente a representación de outras delegacións provinciais, debido aos resultados das pasadas eleccións xerais, nas que o PP gañou en todos os concellos da provincia, e polo elevado número de afiliados ao Partido Popular na provincia de Pontevedra, que supera as 33.000 persoas.

Ademais do 96 compromisarios, tamén asisitirán outros invitados da provincia, aínda que non terán voto nin participarán nas ponencias.

Así, o presidente do PP de Pontevedra, asegurou que o peso da provincia estará ademais marcado pola orixe e o apego coa provincia de Pontevedra do presidente nacional do partido Mariano Rajoy, que aínda mantén a súa afliación na sede do PP Provincial.

11 EMENDAS DESDE O PP PROVINCIAL DE PONTEVEDRA