1. Datos generales:

‐ Nombre completo: Carlos Vázquez Padín
‐ Profesión actual o última ocupación: Xerente de pequeno negocio e Secretario Xeral de Converxencia XXI.
‐ Edad:  37 anos
‐ Lugar de nacimiento: Tui
‐ Lugar de Residencia: Tui

2. ¿Quienes componen la candidatura de su partido en estas elecciones municipales?

A lista está pechada, a súa composición é moi plural, está composta a partes iguais por afiliados ao partido e por persoas independentes que quixemos incorporar para que un amplo espectro da sociedade tudense estivese representado na nosa lista. As persoas que ocuparán os primeiros postos configuramos un equipo que creo que é compensado e está formado para facer un bo labor, quer na oposición, quer no goberno. O número dous da candidatura será Eugenia Rey Castillo, Secretaria Local de Converxencia XXI.

3. ¿En qué línea de trabajo se basa su proyecto de cara a las próximas elecciones?

Podemos afirmar que planificamos bastante ben o noso traballo que comezou hai máis dun ano para dar a coñecer a nosa oferta aos cidadáns de Tui.

4. ¿Qué expectativas pretenden conseguir en estos comicios electorales?

O noso é un proxecto a longo prazo que aposta polas cousas ben feitas e presentamos un programa que creo que pode ser o que ubique a Tui no lugar que se merece, pero son os cidadáns os que decidirán a forza que teremos, vamos poñer toda a carne no asador para convencelos de que somos a opción para un cambio real en Tui despois de trece anos de regresión e decadencia do noso concello. Quizá conveña lembrar que Tui era a cuarta cidade de Galicia no 1760 e agora non facemos mais que perder postos ao estar en mans de gobernos municipais que non so non contribúen ao desenvolvemento de Tui senón que impiden a nosa evolución. Ao paso actual Tomiño superaranos en poboación en poucos anos e Salvaterra co porto seco é posible que tamén, Porriño xa o fixo, en fin pasamos de competir en Champions League a estar arrastrándonos por campos de terra, se se me permite a metáfora.

5. ¿Qué acciones en materia de infraestructuras marcan como prioritarias para su Concello? ¿Y para
el Baixo Miño?

Para nos é imprescindible que o vial Tui‐A Guarda teña acceso directo ao polígono de Areas.
Ademais as empresas adxudicatarias de obras públicas, estradas, ruas e pistas, por exemplo deben ser sometidas a un control de calidade e a unha garantia dos seus resultados, en Tui co señor Moises Rodríguez e o señor Rocha o habitual é que a mesma rua, a mesma pista ou o propio parking municipal (que máis ben é unha lameira) se arranxe mal cada seis meses para que a mesma empresa que o fixo mal poida voltar a arranxalo seis meses despois.
É prioritario abrir a rua Ourense e construir un parking subterraneo, nos respetamos aos cidadáns e non é o noso estilo prometer infinidade de cousas que logo non cumprimos como as que prometeron Moises e Rocha en 1999 e 12 anos despois están sin facer: hipódromo, recinto feiral, guarderia, canchas deportivas, parking subterraneo, etc
Como Secretario Xeral dunha formación que se presentará nestas eleccións en varias das cidades máis importantes de Galicia aproveito para comentarlle que, o meu partido, Converxencia XXI defende que as areas metropolitanas de Vigo e da Coruña teñan un tren de cercanias e dentro deste marco Tui debería estar unido por ferrocarril con Vigo con frecuencias e horarios convenientes.
Non podemos esquecer que as infraestruturas máis importantes no futuro serán as tecnolóxicas e neste sentido alegrámonos moito que a campaña levada a cabo o verán pasado por Converxencia XXI cando repartimos 6000 folletos que denunciaban este problema, entre outros moitos, lograse que o concello autorizase á empresa R o despregue da sua rede en Tui neste ano 2011, autorización que levaba catro anos paralizada no concello sen que este dese explicacións.

6. ¿Qué políticas sociales y culturales llevarán a cabo si ganan las Elecciones Municipales de 2011?

O mantemento da colaboración co Festival de Documentais Play Doc, a colaboración coa Fundación Teatro Principal de Tui no obxectivo de lograr a rehabilitación do Teatro Principal, entre cuxos múltiples beneficios está o de dotar de vida ao casco histórico e fornecer dun local de ensaio. Polo seu carácter estratéxico para Tui asumiriamos desde o concello o custo e da organización das Festas de San Telmo.

7. ¿Qué impresión tiene sobre el Concello? ¿Cómo lo definiría brevemente? 

 

Tui foi unha das cidades máis importantes de Galicia e se somos capaces de rachar o círculo vicioso do conservadorismo e do inmobilismo podemos voltar a selo, depende de que sexamos capaces de lograr implicar á sociedade tudense nun esforzo colectivo neste sentido que nos libre do que usan Tui exclusivamente para o seu proveito persoal.
Converxencia XXI representa moi ben esa intención de voltar a estar na primeira liña das cidades galegas ao termos fundado en Tui unha organización de ámbito autonómico con seguidores por toda Galicia.

8. A nivel local, ¿Qué tipo de medidas se pueden llevar a cabo desde la corporación municipal de
cara a afrontar la actual crisis económica?

Para Converxencia XXI a mellor política social é a xeración de emprego, e neste sentido Tui conta con recursos inexplorados moi importantes, nomeadamente turísticos, cun casco vello en forma e non caindo como na actualidade, co nomeamento de Tui‐Valença como patrimonio mundial, potenciando o Miño, monte Aloia, etc. Tui xeraría moitos postos de traballo primeiro na rehabilitación, e despois na hosteleria e no comercio e como consecuencia, xa que a economía é unha cadea, tamén os xeraría no resto de sectores.

9. A nivel personal, ¿Se siente preparado para encabezar el grupo de gobierno municipal si su
partido gana las elecciones municipales 2011? ¿Qué motivos o aspiraciones le influyen para
presentarse como candidato/a? ¿Qué político o persona importante de la historia admira o le
inspira?

En min a política é vocacional como demostra o feito de que estudase Ciencias Políticas, fundei Converxencia XXI no 2009 para tratar de aportalle novas ideas para enfrentar os problemas da sociedade galega e tudense. Ainda que non son eu quen o debe dicir, pareceme que reuno os requisitos de formación, vocación, honradez e proxecto de futuro para ser un alcalde digno do noso gran concello se os cidadáns así o deciden.
Como menciono nos agradecemtos do libro "Galeguismo e liberdade" encontrei unha valiosa fonte de inspiración en dous grandes lideres, no fundador de Convergència Democrática de Catalunya, Jordi Pujol, a sua forma constante, moderada, tranquila e positiva de traballar incansable e insobornablemente a favor da democracia, da liberdade e do seu País sempre me pareceu un modelo a seguir, un modelo que lle produciu grandes resultados a Cataluña mentres eu como galego via, con indisimulada envexa, o seu exemplo. Outro referente para min é o de Winston Churchill, un lider extraordinario que defendeu a democracia e a liberdade frente ao monstro do nazismo, e que falaba aos británicos coa honestidade propia de quen ama ao seu pobo, ese tipo de honestidade que rara vez encontramos hoxe na nosa clase política.

10. ¿Qué le diría a sus posibles votantes o simpatizantes? 

 

Diriallle que os tudenses somos xente seria e de orde e non podemos consentir que o nome de Tui continúe a ser desprestixiado en toda Galicia. É unha cuestión de respecto e responsabilidade que nos afecta a todos, necesitamos renovar o goberno local para non continuar perxudicando a nosa imaxe e o noso creto, e necesitamos unha renovación na forma de facer as cousas, non só persoas máis novas que fagan o mesmo.
Todos estamos orgullosos de ser de Tui. Agora toca acompañar ese orgullo de responsabilidade para con nós mesmos, coas nosas familias e cos nosos concidadáns. Chegou o momento da responsabilidade, chegou o momento de facernos respectar.