A ANPA do CEIP Plurilingüe de Guillarei solicita a educación a cobertura total das prazas

Dende a ANPA do CEIP Plurilingüe de Guillarei queremos facer pública o malestar da nosa comunidade educativa e moi especialmente do alumnado de 1º de primaria xa que a data de hoxe non teñen asignado un tutor/a pola Xunta.

Solicitada información á Dirección do Centro do motivo polo que non está cuberta esa praza, esto é o que se nos comunica:

• No mes de xullo púxeron en coñecemento da Inspección que unha praza que corresponde por catálogo ao noso centro, a de Lingua Estranxeira (francés), non se cubriu no concurso xeral de traslados, nin na resolución provisional, nin na definitiva, por un erro administrativo.

• Volveron solicitar en diversas ocasións esa praza á Xefatura Territorial, insistindo que non é unha baixa nin unha substitución, senón que é unha praza que tiña que ter sido cuberta no CADP.

• Inspección coméntalle ao Equipo Directivo do centro que o máis probable é que se cubra como unha praza de Educación Primaria sen esa especialidade, cuestión que lle parece razonable á dirección do centro e non puxo ningunha obxección.

• A día de hoxe, mércores 16 de setembro de 2020, e despois dunha semana do comezo de curso esa praza segue sen adxudicarse e sen aparecer como vacante nas listas de substitución.

• O Equipo Directivo nos informa que a Inspectora de zona comunicoulle a semana pasada, que a praza estaría cuberta en 2-3 díaspero hoxe seguimos sen que se cubra.

Esta situación está creando un malestar xeral na nosa comunidade educativa, e con mais motivo pola actual situación na que nos atopamos pola COVID19 e os protocolos a cumplir.

Temos que ter en conta ademáis a peculiaridade de que o noso CEIP está dividido en dous edificios: Infantil e Primaria, algo distanciados, o que supón que algúns dos mestres teñan que desprazarse dun edificio ao outro o que dificulta poder facer as susbtitucións.

Algunhas das familias de 1º de Primaria xa decidiron non levar aos nenos/as a clase mentres non teñan tutor/a e o resto está valorando facer o mesmo ata que se cubra a praza.

Entendemos ademáis que o Equipo Directivo non pode garantir que se cumpra o protocolo COVID. Nen na propia aula de 1º de primaria, que ten que ser atendida cada hora por un mestre distinto, incumplíndose o protocolo de acollida.

Polo tanto, dende a ANPA do CEIP Plurilingüe de Guillarei trasladamos o noso descontento con esta situación, e agardamos unha inmediata resposta e solución por partes da Xefatura Territorial.