A asociación Vontade ofrece rutas náuticas adaptadas polo Río Miño

Estas xornadas realízanse co apoio da Deputación Provincial dentro do proxecto “Rio Miño Marca Inclusiva”, introducindo o concepto de turismo accesible e ofrecendo os recursos necesarios nos destinos para facilitar a igualdade de oportunidades de desfrutar do ocio a tódalas persoas. Poñendo en valor un recurso natural e medioambiental, o Río Miño, a un colectivo que de forma habitual non pode acceder a este medio.

Así mesmo, participa O Concello de Tomiño, a través do proxecto “Navegando pola historia do Baixo Miño”, no que amosa o sistema de fortificacións e a historia da Guerra de Restauração que deron lugar ás mesmas, dando a coñecer o patrimonio histórico da contorna.

Ao longo destes meses de verán, diversos grupos e entidades participan e coñecen as características naturais e ambientais da comarca, para gozar dos espazos cunha visión diferente, navegando  polo tramo internacional do Miño.

Estas actividades enmárcanse na necesidade de facer accesible e promocionar a comarca para colectivos de persoas con algún tipo de discapacidade, cumprindo cos obxectivos de accesibilidade universal.