A CNT denuncia os nomeamentos a dedo no Concello da Guarda

O pasado mes de decembro, tras a renuncia do anterior coordinador, o Alcalde-Presidente do Concello da Guarda iniciou un novo procedemento para elixir ao coordinador do servizo. Tras 3 convocatorias desertas ao non acudir ningún traballador, o consistorio decidiu volver a nomear ao anterior coordinador engadindo 500 € de retribución trimestral á nómina do traballador por este cargo. Ademais de incumprir o procedemento para unha convocatoria de concurso público para optar polo cargo antedito, as bases facilitadas aos traballadores non contaban coa información sobre a retribución económica ao aceptar o antedito posto. O Alcalde-Presidente incorre deste xeito nunha irregularidade moi grave nos nomeamentos do persoal público.

Todas estas irregularidades súmanse ao feito de que a elección do coordinador tiña que ser feito por mor dunha "votación a mano alzada fronte ao Alcalde e a Concejala" como recollían as bases da oferta. Este tipo de mecanismos, ademais de non ser legalmente válidos, encerran un evidente e notorio carácter coercitivo.

A sección sindical da CNT no Concello da Guarda ven de denunciar diferentes incumprimentos e irregularidades dentro do consistorio e do propio servizo do Grupo de Emerxencias Supramunicipal (GES). Así, este último movemento de carácter caciquil e ditatorial pola parte do representante público non fai senón cargar de máis razóns aínda aos traballadores e traballadoras para continuar coas súas lexítimas demandas e reclamacións.