A Comunidade de Montes de Salcidos recrimina á Comisión das Festas das Mercedes a súa actitude

Joaquín Cividanes Álvarez, Presidente da Comunidade de Montes de Salcidos ven de clarexar as posturas deste ente sobre as declaracións e a problemática xurdida sobre a celebración ou non da verbena das Festas das Mercedes no espazo de Fonte Bieita da Gándara.

Dende a CM de Salcidos se manifestou que en noventa e nove anos nunca se realizou a Festa en Fonte Bieita, que se solicitou para facer a fest alí coincidindo co Centenario, se volveu a pedir o ano seguinte, pero que xa se advertíu á Comisión de Festexos que sería a derradeira vez, postoque existe un proxecto aprobado pola Xunta Reitora para acometer unha serie de actuacións nese espazo, poloque xa non sería habilitado para facer verbenas.

No lugar de Fonte Bieita está aprobado a realización dun Parque de Ocio, con prantación de árboles onramentais, aparcamento, peche do terreo e continuar co acondicionamento deste espazo en sucesivos anos.

A incompatibilidade de recinto de verbenas e Parque de Ocio propiciou que a Xunta Reitora denegase o permiso á Comisión de Festas, para evitar que se danasen os bens e actuacións do proxecto a levar a cabo alí.

Dende a CM de Salcidos lamentan esta situación e os malentendidos que se están a xerar entre os comuneiros e veciños, indicando e recordando que o espazo de Monte denominado coma "Fonte Bieita"  é propiedade da CM de Salcidos, é decir, de todos os veciños da parroquia e non  só dos do barrio da Gándara, como teñen manifestado o Presidente da Asoc. de Veciños O Percamiño e o Presidente das Festas das Mercedes.