A Deputación da luz verde ao convenio co Rosal para a segunda fase na EP-3303 Tabagon-Goian

A Deputación dá un novo paso para acometer a segunda fase da mellora da mobilidade peonil da EP-3303 Tabagón-Goián, que une O Rosal e Tomiño, coa aprobación dun convenio co concello de O Rosal. A actuación, que completará a transformación integral de este vial, ten un orzamento de 795.872€, que son asumidos integramente pola Deputación xa que financia o 80% a través deste convenio. Pola súa parte, o 20% é correspondente ao Rosal a través do Plan Concellos.

Esta nova fase abrangue un itinerario de 1,8 quilómetros nos que se crearán itinerarios peonís continuos e unha zona de convivencia con prioridade para as persoas seguindo o modelo de mobilidade amable, segura e sostible da institución provincial.

O proxecto súmase á primeira etapa das obras que está agora en execución e que ven de recibir o espaldarazo do IDAE cunha subvención dos fondos Feder que supón máis do 70% do orzamento. A segunda fase se fará no tramo comprendido entre os puntos quilométricos  1+795 ao 3+600 e comprenden a execución dunha zona de convivencia sobreelevada con prioridade peonil do pq 2+200 e o 2+300;  e de sendas peonís de formigón coloreado cun ancho mínimo de dous metros e medio do pq 1+1+795 ao 2+200 e do 2+300 ao 3+600.

Ademais, renovarase a capa de rodaxe en todo traxecto, coa instalación de pasos de peóns/as sobreelevados e redutores de velocidade ao longo do treito, pavimentarase a zona de convivencia con formigón con bandas de pedra e executarase unha nova rede soterrada de pluviais, cunetas transitables e prevese a execución da rede soterrada de alumeado, así como a execución de arquetas para a futura colocación dos farois.