A hostalería rosaleira súmase ao servizo para levar tras o peche obrigatorio a partir das 17h

Ante as novas medidas restritivas establecidas polas autoridades sanitarias tras o peche perimetral conxunto do Rosal, Tomiño e A Guarda, parte da hostalería do municipio decidiu manter a súa actividade ofertando comida preparada para levar ben recollendo no establecemento ou servindo a domicilio. Dende o Concello facemos unha relación actualizada dos bares e restaurantes rosaleiros que dispoñen nestes intres de servizo para levar:

• A Competencia: encargos antes das 17.00 horas.
• A do Quesy: venres, sábados e domingos de 19.00 a 22.30 horas.
• As Brasas: venres, sábados e domingos de 19.00 a 22.00 horas.
• Floro: venres, sábados e domingos de 19.00 a 22.00 horas.
• Quiosco O Chiringo: café e refrescos para levar en horario habitual.
• O Lagar, en Eiras: venres, sábado e domingo tamén con servizo a domicilio. Para recoller no local encargos ata as 20.30 horas e recollida ata as 23.00 horas.
• O Rolete: sábados, domingos e festivos de 20.00 a 22.30 horas soamente durante o mes de decembro.
• Restaurante Juan: de 19.00 a 23.00 horas.

Dende o Concello queremos trasladar todo o noso apoio á hostalería, un dos sectores que tamén está a pasar por un dos seus momentos máis difíciles coa actual realidade sanitaria por mor da pandemia. Moitas grazas a todos e todas polo voso esforzo e pola vitalidade coa que seguides loitando por saír adiante aínda nas circunstancias máis adversas.