A Oposición de Tomiño únese para dar voz aos comerciantes do municipio

Os partidos da oposición de Tomiño, PSOE e PP, queren mostrar o seu apoio e dar voz a ADETO e aos comerciantes do municipio en xeral, pertencentes a un importante sector na economía do Concello e que nas últimas semanas se levan sentido descoidados, ignorados e irrelevantes na toma de decisións por parte do goberno local do BNG en relación ás obras de peatonalización das rúas Gondomar e a Feira. As mencioadas rúas foron pechadas sen previo aviso a veciños e comerciantes, impedíndolles a estes realizar a súa actividade con normalidade e, sobre todo, perxudicándoos económicamente.

A Asociación ADETO pretende facer unha crítica á falta de comunicación e de empatía do Concello cos empresarios e cos veciños das rúas afectadas. A decisión do peche das rúas e posterior obra durante mais dun mes, non foi comunicada aos comerciantes, non se tiveron en conta as súas necesidades e demandas. Ademais, na única conversa que se tivo con eles tras as primeras críticas, os comerciantes destacan dela que os membros do goberno local tentaron saír do paso a base de mentiras.

Un goberno que presume de impulsar o comercio local,  debería ser mais comprensivo e fomentar o diálogo para buscar sempre as mellores opcións para o comercio e veciños tanto no núcleo urbano de Tomiño como no de Goián.  Non se pode permitir que ó final impere sempre a vontade caprichosa duns poucos, frente as necesidades dos veciños. Ademais, a día de hoxe, coas rúas xa abertas, seguen sen dar opcións de aparcamento nesa zona,  o que dificulta aínda mais o crecemento e prosperidade dos negocios.

Comerciantes e veciños só piden diálogo e consenso, ardua tarea cando con que se intenta chegar a un acordo é co BNG de Tomiño.