A empresa agraria Mirabel Do Rosal acaba de sacar ao mercado a primeira cervexa tostada, estilo Irish Red, elaborada con mirabeles pasificados, logrando así, un produto único, singular que non deixará indiferente a quen a probe.

Trátase dunha cervexa de alta fermentación, de color cobrizo e escuma veige, con aroma a herbáceas xunto a toques de caramelo. O sabor é suave e agradable, deixando en boca notas a café, caramelo e froitas pasificadas. Destaca un gran equilibrio entre o doce e o amargor, e unha agradable sensación de frescor ao ser degustada.

Cervexa 100% feita en Galicia, de alta calidade e de produción ecolóxica, situada na categoría PREMIUM que chama a atención polo seu carácter e exclusividade, e que nomeamos vulgarmente como a “Pelirroxa da Terriña” pola súa cor e orixe.

Con este novo produto Mirabel Do Rosal engrandece o catálogo de produtos transformados do mirabel que xa ven comercializando dende fai uns anos baixo a coñecida marca comercial ALÉN DO VAL, produtos sempre enfocados cara o mercado gourmet e delicatessen, especializado Bio e restauración de calidade, cumprindo así co obxectivo de por en valor a unha froita local e singular e crear maior valor acrecentado.

Mirabel do Rosal ven de recibir recentemente o premio ao Mellor Produtor Sostible da man do BBVA e o Celler de Can Roca, que recoñece un traballo importante pola sostenibilidade, de tal maneira que todos os produtos Alén Do Val incorporan un novo selo no etiquetado que recoñece este galardón e que informará ao consumidor.

Notas de cata:

• Aspecto: Cor cobrizo e presentación cristalina que contrasta coa escuma cor crema. Burbulla fina lixeiramente persistente que convida a beber.
• Nariz: O aroma é lixeiro e discreto, destacando notas herbáceas xunto a toques de caramelo, que combinan perfectamente cos sabores das froitas en boca.
• Boca: o sabor é seco, suave e agradable, deixando en boca notas a maltas tostadas, café, caramelo e froitas confeitadas ou pasificadas. Mostra un gran equilibrio entre o doce e o amargor, quedando unha agradable sensación de frescor extraordinario ao ser degustada.

Mirabel Do Rosal:

Mirabel do Rosal é unha empresa agraria que xurde como una iniciativa local de varios veciños do concello do Rosal (Pontevedra) coa intención de poñer en valor os produtos típicos da zona. Na actualidade dispón de 10 hectáreas de terreos propios e alugados dedicados á produción ecolóxica de mirabel.

Mirabel Do Rosal, comercializa cada campaña o mirabel fresco que pon ao alcance de todos os consumidores, os cales poden gozar dunha froita de temporada, de calidade e producida por métodos tradicionais e sostibles.

Coa marca comercial “Alén do Val”, iniciouse o camiño da comercialización de produtos transformados do mirabel, primeiro coa marmelada de mirabel, posteriormente cos mirabeis en xarope, e posteriormente coa cervexa rubia elaborada con mirabel, doce e snaks,  sempre amparados polo CRAEGA e buscando produtos de alta calidade.