Achegamento do sector pesqueiro, marisqueiro e acuícola aos centros de ensino para o relevo xeracional

O proxecto de colaboración RELEVO 2 é unha iniciativa de carácter formativo promovida por seis Grupos de Acción Local do Sector Pesqueiro de Galicia.
Despois do comezo , neste 2022, das actuacións de formación nos centros de ensino, o programa RELEVO2 xa ten en marcha sesións de aula nas que interveñen representantes de entidades de cada un dos sectores que se abordan no programa de contidos (Pesca e Acuicultura, Transformación e Comercialización e Turismo e Deportes Náuticos). O obxectivo é dar a coñecer esas empresas e achegar ao alumnado o mundo laboral en relación ao sector do mar; titulacións académicas, centros onde cursalas e posibles saídas profesionais son algún dos aspectos que se abordan.
A iniciativa tamén contempla a realización de visitas nas que sexa o alumnado quen vaia coñecer de primeira man as instalación dalgunha desas entidades colaboradoras.
Nesta ocasión será o CPR San José – Hermanas Carmelitas de A Guarda que, mañá venres día 18 en horario de mañá visitará as instalacións da lonxa da súa localidade para coñecer o seu funcionamento e o primeiro punto de venta dos productos do mar que se comercializan a nivel local. A visita está prevista a partir das 11.30h e nela participará alumnado de 4º ESO, a docente responsable, divulgadores do programa RELEVO2 e persoal da confraría de pescadores.
O programa no territorio
No territorio do GALP Ría de Vigo – A Guarda participan un total de 13 centros de ensino de secundaria e de aquí a final de curso están previstas máis saídas do alumnado a outras instalación e tamén sesións de aula con profesionais do sector.