Alumnado do IES A Sangriña avalía a calidade ambiental do entorno costeiro de A Guarda

O xoves 7 de maio o tribunal estivo formado por Edita López López, coordinadora do STEMBach e profesora do Departamento de Física e Química do IES A Sangriña, Iria Rodríguez, profesora do IES A sangriña e presidido por Emilio Fernández Suárez, Catedrático de Ecoloxía da Universidade de Vigo, valoraron os traballos presentados por:
- Mario Fernández Baz titulado "Evidencias locais do cambio climático a partir do rexistro de datos das estacións meteorolóxicas do Rosal e de Oia",
- Nayara Diego Rodríguez titulado "Detección de bacterias degradadoras de hidrocarburos en aguas superficiales de la zona portuaria de A Guarda",
- Iago Álvarez Lomba titulado "Estudio de la diversidad genética en dos poblaciones de Zostera noltei" e
- Iria Sanz Berridy titulado "Estudio de la diversidad genética de una población de Charadrius alexandrinus".
O venres 8 de maio, o tribunal estivo formado polos mesmos membros e presidido por Gonzalo Méndez Martínez Profesor Titular de Xeodinámica Externa da Universidade de Vigo, valoraron os traballos presentados por:
- Daniel Zarco Fernández titulado "Evaluación de la potencial contaminación en el puerto de A Guarda por TBT usando Nucella lapillus como bioindicador",
- Lucía de Lorenzo Serrano titulado "Efecto de un hidrocarburo aromático policíclico (naftaleno) en el cierre de las valvas de Corbicula fluminea" e
- Brais Martínez Adrover titulado "Efectos del Zn sobre Corbicula fluminea".

Debido á suspensión da actividade lectiva presencial por causa da pandemia do COVID-19, as lecturas e defensa dos proxectos fixéronse por videoconferencia na sala "Proyecto STEMBach" do Campus Remoto da Universidade de Vigo. O alumnado ademais de presentar os seus traballos de investigación, fixeron a súa defensa ante as diversas preguntas que formularon os membros dos tribunais.

No acto de lectura e defensa estiveron presentes os titores dos traballos, tanto do IES A Sangriña como da Universidade, os decanos das Facultades de Ciencias do Mar e de Bioloxía e a Directora da Escola de Enxeñería de Minas e Enerxía da Universidade de Vigo. Todos destacaron a enorme calidade científica dos traballos presentados e o seu rigor científico así como as lecturas e defensas dos traballos feitas polo alumnado. Asemade destacaron a importancia da colaboración entre a Universidade e o ensino secundario, fundamental na promoción de vocacións científicas.

O programa STEMBach naceu en 2018 impulsado polos profesores do IES A Sangriña Edita López López do Departamento de Física e Química e Juan Hermida Lago do Departamento de Bioloxía e Xeoloxía e polo Catedrático de Ecoloxía da Universidade de Vigo, Emilio Fernández Suárez co obxectivo de avaliar a calidade ambiental do entorno costeiro de A Guarda. Durante os dous anos de desenvolvemento do programa, o alumnado deseñou e redactou os seus propios proxectos, desenvolveron unha importante fase experimental e redactaron as súas memorias compatibilizando este traballo cos estudos de bacharelato.