ANUNCIO DE EXPOSICIÓN PÚBLICA DO CENSO ELECTORAL E DAS MESAS E LOCAIS ELECTORAIS QUE REXERÁ NAS VINDEIRAS ELECCIÓNS A CORTES XERAIS DO 20 DE DECEMBRO DE 2015 NO MUNICIPIO DE OIA

Segundo establece o artigo 39.2 da Lei Orgánica 5/1985, do 19 de xuño, do Réxime Electoral Xeneral, o Real Decreto 977/2015, do 26 de outubro, de disolución do Congreso dos Deputados e do Senado e de convocatoria de eleccións, e o Real Decreto 1799/2003, do 26 de decembro, polo que se regula o contido das listas electorais e das copias do censo electoral, entre os días 3 e 9 de novembro de 2015, o Concello de Oia, terá un servizo de consulta do CENSO ELECTORAL que rexerá nas vindeiras Eleccións a Cortes Xerais do 20.12.2015.

Igualmente permanecerá exposta ao público, entre os días 3 e 8, a relación de Mesas Electorais deste Municipio para as mesmas eleccións.

A consulta do Censo Electoral levará a cabo mediante os seguintes medios

a) En persoa; acreditándose mediante DNI, pasaporte, carné de conducir ou permiso de residencia.

b) Telefónicamente unicamente se confirmarán os datos que facilite o cidadán. Se coinciden os datos de identificación e de domicilio achegados polo elector cos que figuran no censo electoral, poderáselle informar sobre a mesa e local electoral. Se non coincide algún dos datos achegados informaráselle que non figura con eses datos e que se desexa máis información deberá solicitala persoalmente neste Concello.

Dentro do prazo indicado calquera persoa poderá formular reclamacións sobre os seus datos do censo. As reclamacións poderán presentarse directamente na Delegación Provincial da Oficina do Censo Electoral ou a través deste Concello, onde tamén se lles facilitarán os correspondentes impresos de reclamación.

Oia, 30 de outubro de 2015
ALCADESA
Rosa Otero Carballa