Apertura de Inscricións para a Gladiator Race Junior na Eurocidade Cerveira-Tomiño

A Eurocidade Cerveira-Tomiño organiza a Gladiator Race Junior, un evento deportivo transfronteirizo deseñado para a infancia e a mocidade, enmarcado no Orzamento Participativo Transfronteirizo. Esta carreira de obstáculos, que combina elementos de xogos tradicionais e deportes modernos, terá lugar o próximo 20 de xullo a partir das 10:00 horas no Espazo Fortaleza de Goián.

Con un límite de 400 prazas, a Gladiator Race Junior ofrece unha oportunidade única para que os nenos e mozos poidan desfrutar dunha xornada deportiva ao aire libre, en familia ou coa compañía de amigos. A carreira inclúe diferentes categorías en función da idade, garantindo así a adecuación dos retos a cada grupo.

Os participantes da categoría Mini Kids (7-11 anos) iniciarán a carreira ás 10:00 horas, percorrendo 1000 metros e superando 16 obstáculos. Seguidamente, os nenos e nenas da categoría Kids (3-6 anos) sairán ás 10:30 horas, cubrindo un percorrido de 500 metros con 12 obstáculos, acompañados dunha persoa adulta.

Finalmente, a categoría Junior, destinada a mozos e mozas de 12 a 20 anos, comezará ás 11:30 horas. Os equipos mixtos, compostos por 5 a 7 membros, deberán completar unha carreira de 2,5 km con 25 obstáculos, chegando como mínimo 5 integrantes xuntos á meta.

A inscrición é gratuíta e pode realizarse a través da web da Gladiator Race. Esta actividade non só promove o deporte entre as novas xeracións, senón que tamén fortalece os lazos entre a infancia e mocidade transfronteiriza.

A Gladiator Race Junior é parte da operación 021_REDE_GOV MINHO, cofinanciada ao 75% polo Fondo Europeo de Desenvolvemento Rexional (FEDER) a través de INTERREG VI-A POCTEP.