As socialistas de Tomiño mostran a súa satisfacción polos acordos plenarios que a Corporación Tomiñesa acordo no Pleno Ordinario celebrado o pasado xoves

O grupo socialista presentou 3 mocións ao Pleno para o seu debate. Unha delas, respecto ao trazado PO-350-GOIÁN (VAP) Tui- A Guarda na que se propón amparar a veciñanza afectada e trasladarlle á Consellería a necesidade da reformulación do trazado neste tramo pola súa grave afección, e que foi aprobada por unanimidade. Tamén levaron unha moción sobre o recorte da Xunta de Galicia na dotación do plan Marco de Camiños Municipais no Concello de Tomiño para o bienio 2020/2021, que igualmente foi aprobada pola maioría da Corporación e por último trasladaron a moción da Central Unitaria de Traballadoras-CUT contra as políticas represivas da empresa URBASER contratada polo Concello de Tomiño e que tamén foi aprobada por unanimidade.

As socialistas tamén votaron a favor da moción presentada polo BNG na que se esixe tanto a Xunta de Galicia como ao Goberno Central finanzamento para o proxecto dunha biblioteca para Tomiño. "Votamos a favor por coherencia e porque é unha necesidade urxente, prioritaria e imprescindible dado que somos o único Concello do Baixo Miño (e Val Miñor) que carecemos deste servizo tan demandado. Temos que lembrar que no ano 2007 foi prometida polos nacionalistas como o primeiro gran proxecto que ían acometer si alcanzaban a Alcaldía. E voltaron prometela no 2011, no 2015 e no 2019. E seguimos sin ela porque este goberno prefire investir en formigón e rotondas. E non debemos esquecer que no anterior mandato 2016/2019, a Deputación de Pontevedra investiu en Tomiño cerca de 10.000.000€ con plena autonomía do goberno donde priorizar o gasto, e non destinou un só euro para este proxecto o que evidencia a falta de interese dos nacionalistas coa biblioteca.

No apartado de rogos e preguntas, a voceira socialista preguntoulle ó Concelleiro de urbanismo si o expediente N° 2341/2019 (contratación obras no proxecto de acondicionamento da contorna da praza da igrexa de Figueiró) conta coa pertinente autorización da Xunta- Servizo de Infraestruturas Agrarias (Parcelarias) ao que contestan que si. Tamén si conta coa resolución da Dirección Xeral de Patrimonio da Xunta pola que autoriza a realización das obras, ao que respostou afirmativamente tamén. E por último solicitou información sobre o convenio de cesión co Obispado Tui-Vigo, si este adxunta escritura e contempla o servidume que contén a praza e tamén tivo un si como resposta. Polo tanto as socialistas non comprenden que o veciño predio dominante nese servidume solicitara no mes de decembro esa documentación e a día de hoxe aínda non se lle proporcionara, tendo en conta que a obra xa está licitada aínda que paralizaron a súa adxudicación, posto que si carece da documentación sectorial pertinente, incurriría nunha ilegalidade a mesma.