As Socialistas de Tomiño votan en contra da aprobación inicial do orzamento

O pasado martes o Concello de Tomiño celebrou sesión plenaria ordinaria, onde se debateron e votaron inicialmente o orzamento xeral para o vindeiro ano 2024.

O grupo municipal socialista votou en contra destes orzamentos por ser un ano máis, a continuación dos anteriores pese a ser os de maior cuantía na historia de Tomiño.

Máis de 9 millóns de euros, e unha vez máis o investimento real apenas supera a cifra de 500.000€, mentres para as retribucións dos órganos de goberno, é decir, para os salarios dos políticos e políticas a partida é de 416.000€

O saneamento conta cunha partida asignada de tan só  60.000€, o que nos parece incomprensible, pois o saneamento segue a ser unha das maiores preocupacións e demandas da veciñanza do noso Concello.

A mesma cantidade é a que asignan para melloras nós camiños das parroquias. 15 parroquias e moitos Kms de camiños tan só disporán de 60.000€ en todo o ano para a súa mellora, o que para as socialistas é unha burla aos veciños e veciñas que viven no rural.

Para o servizo imprescindible de Servizos Sociais, se descontamos os 400.000€ para o SAF e deducimos a inflación prevista, resulta que non é nin de lonxe a grande aposta que está a vender este goberno municipal, cando precisamente a inflación é a que está a poñer en graves dificultades a moitas familias que precisan axuda da administración local.

Baixa inexplicablemente a partida para fomento do emprego, a de cultura segue conxelada e para  comercio local, pese a preguntar cánto se vai destinar dos 163.000€ da partida de turismo, comercio e pequenas empresas, non fomos quen de que se nós respostara.

Polo tanto e en consecuencia, as socialistas votaron en contra destes orzamentos por ser máis do mesmo, e cren que os nacionalistas seguirán gobernando a golpe de modificacións de créditos ao longo do 2024.

As socialistas presentaron unha moción de urxencia ante a gravísima situación da Sanidade no Concello de Tomiño onde instamos ao goberno municipal a solicitar sen descanso o fin desta caótica situación así como a realizar unha potente campaña de información e asesoramento para qué a veciñanza faga reclamacións por escrito á Consellería de Sanidade. Que a Consellería inclúa a Tomiño no Convenio de Concellos de difícil cobertura e que se reabra o consultorio médico de Goián xa.

A moción foi aprobada malia a abstención do Partido Popular que non está dacordo en que dende a administración local se insista e se presione á Xunta para que remate este caos, e tampouco quere que a xente presente reclamacións, pois negáronse a votar estes dous puntos da moción. Eles serán os que teñan que dar as explicacións  pertinentes ás veciñas e veciños de Tomiño.