C21 volve a avisar ao Goberno que debe realizar cambios urxentes no tráfico rodado porque as restricións esnaquizan ao comercio

Os liberais de Tui volverán a plantexar no pleno do Xoves a problemática xerada cos cambios de dirección e sobre todo cas restrición do tráfico que están a constituír un dos principais motivos de ruína para o comercio local, sobre todo no entorno da Corredoira.

“Este Goberno ten unha idea tan preconcibida de cidade, que nin a constatación de que non funciona, faino rectificar”, - afirma José Palacín -, que pide ao Sr. Alcalde, por enésima vez,  unha sincera e profunda reflexión do que está a supoñer o corte radical de tránsito e aparcamento para os negocios situados neste punto emblemático da cidade. 

C21 considera que Crise Covid + Restrición de Tráfico están a ser un cóctel mortal para o comercio da Corredoria que foi esnaquizado, e solicita que se retorne a circulación en sentido sur e que se habiliten da orden de 15 prazas de aparcamento para que os usuarios poidan realizar compras na farmacia, no supermercado, nas galerías e demais comercios da zona, aínda que sexa con tempo limitado.

Os liberais consideran que é un clamor entre os comerciantes, e os tudenses en xeral, que esta idea de “Corredoira Peonil”, non funcionou, ou polo menos non era o momento,  e consideran que a rectificación pode ser un acto sabio e nobre por parte do Partido Socialista.