Campamento de verán 2022 en Viladesuso (Oia)

O vindeiro 27 de xuño arrancará en Viladesuso (Oia) o Campamento de Verán "Botando Raíces", un proxecto dirixido a nenos e nenas con idades comprendidas entre os 7 e os 12 anos no que se poderá disfrutar de diferentes actividades socioeducativas ao aire libre para descubir a natureza. O campamento durará ata o día 2 de xullo, seis días de xogos, obradoiros e excursións para os máis cativos.

Trátase dun campamento con pernocta organizado pola Comunidade de Montes de Viladesuso coa colaboración de Galiciawalks que se realizará na Casa Cultural de Viladesuso (Oia). En concreto, terá unha duración de seis días e cinco noites nos que se incluén o aloxamento e manutención, as actividades realizadas na contorna e as excursións. Ademais, os participantes tamén contarán cun seguro de accidentes.

Entres as actividades programadas poderase disfrutar de senderismo, actividades con cabalos de Pura Raza, obradoiros, arte, voluntariado ambiental e unha excursión pola contorna. Todas elas terán lugar ao aire libre nos Montes de Viladesuso có fin de que os cativos conecten coa natureza e a riqueza cultural e patrimonial da zona.

Os prezos oscilarán entre os 140 € para os fillos e as fillas dos que pertencen á Comunidade de Montes de Viladesuso e os 280 € para o resto dos participantes. As prazas para participar son limitadas, polo que deberá realizarse unha inscrición previa a través do teléfono 615 247 069 ou do correo electrónico galiciawalks@gmail.com. O prazo para inscribirse rematará o día 20 de xuño.