Confradías e percebeiros de Pontevedra lanzan comunicado público

As sete confradías con sector de Percebe na zona de Pontevedra, ante o aluvión de novas que están saíndo nos distintos medios de comunicación queren facer unha reflexión en voz alta:

"Xa está ben e basta xa!! de tanto vitimismo, e non vaia ser que as vítimas pasen a ser os verdugos".

Polo tanto dende esas entidades "facémonos unha serie de preguntas que aconsellamos que as valoren os científicos, a opinión pública e a administración que nos goberna":

• O "arrase que está sufrindo sistemáticamente todo o litoral das provincias de A Coruña e Pontevedra, agás un escaso 15% de zonas ZEP, en donde as pedras quedan como o "pavimento dunha estrada", non será que quizáis poida chegar a ser considerado como un presunto delito ecolóxico, dado que parte deste litoral está protexido dentro da cualificación de rede natura 2000? - Non é o mesmo unha extracción selectiva dun recurso que unha extracción destructiva dos hábitats de outras moitas especies-.
• Preguntáronse algunha vez na administración pesqueira galega cal é o grao de cumprimento dos bateeiros no relativo á xestión dos refugallos ou detritos procedentes das actividades de laboreo de mexillón nas bateas, cando a súa obriga é transportalos e deposaitalos en lugares habilitados en terra?
• Valoránonse os prexuízos destes resíduos contaminantes nos fondos mariños e nas proximidades dos bancos marisqueiros despois de 60 anos tirando de forma indiscriminada miles e miles de toneladas ao mar.
• Acaso estes aportes de cuncha e outros do cultivo do mexillón non estarán transformando a composición do substracto e rompendo o equilibrio natural das nosas rías, coa conseguinte presenza masiva de depredadores como a estrela azul, -un dos principais depredadores dos moluscos bivalvos-, o cangrexo, o caracolillo, etc.?
• Alardéase polo sector bateeiro o forte incremento de produción de mexillón nos últimos anos, chegando ás 250.000 toneladas e superando ventas do produto en máis de 150 millóns de euros. Á costa de quen e de que?
• Si se pasan esas 250 mil toneladas a quilos, teremos 250 millóns de quilos. Se estes quilos se pasan a unidades por individuos, sendo xenerosos, a 30 mexillóns por quilo, daranos uns 7.500 millóns de indivisuos por ano.
• Se se ten en conta que si cada un destes individuos filtra entre uns 180-192 litros de auga ao día, auga que quedaría inocua de nutrientes, non será que a baixada de produción de bivalvos e a diminución doutras especies o interior das rías poida ser consecuencia, entre outros factores, do cultivo intensivo de mexillón nas máis das 3.300 bateas exitentes en Galicia? -unhas 2.700 na Ría de Arousa-
• Isto ven a demostrar que se está a prexudicar gravemente a sustentabilidade e o futuro produtivo das nosas rías e favorecéndose a ruina duns e o enriquecemento doutros.
• Preguntámonos a este respecto, onde están as ONG´s medioambientalistas, onde están tamén os científicos valientes e por suposto onde están os políticos responsables e comprometidos en garantir a sostenibilidade dos recursos e os ecosistemas mariños por riba de réditos electoráis?

Próximamente as confradías asinantes deste comunicado ampliarán máis detalladamente o contido do mesmo.