Continúa a -Ruta das Artes e Oficios- cunha visita aos Muíños do Porto de Vilameán

Tomiño é terra de artistas, pintores, escultores, ceramistas, viveiristas e un longo etcétera. Facéndose eco desta realidade, o Concello organiza, un ano máis, a Ruta das Artes e Oficios: catro visitas guiadas, de balde, relacionadas cas artes e cos oficios máis representativos da vila, co fin de promocionar a súa riqueza cultural e patrimonial. A próxima visita será este xoves 21 de xullo aos Muíños do Porto (Vilameán).

O obxectivo desta ruta, que constará de diversas visitas guiadas, é coñecer de primeira man o día a día o traballo que se leva a cabo, apreciando os procesos e os resultados in situ. 

A edición 2022 da Ruta das Artes e Oficios arrancou o xoves, 7 de xullo, cunha visita guiada aos Viveiros Casaíta. As persoas apuntadas tiveron n a oportunidade de coñecer como traballa o sector do viveirismo (básico para a economía do municipio), os procesos de produción e as variedades de plantas ornamentais máis demandadas.

A ruta continua este xoves 21 de xullo coa visita aos Muíños do Porto, en Vilameán. No mes de agosto, o día 4, Obradoiro de Leandro Alonso (ceramista) e o 18, visita á Fundición ArteBronce, dirixida por Cuqui Piñeiro, filla do escultor Xoán Piñeiro.

Para poder asistir a algunha das visitas programadas nesta ruta, é imprescindible anotarse previamente, a través da web municipal do Concello de Tomiño, no seguinte formulario https://tomino.gal/formulario-ruta-artes-e-oficios-2022/