CONTINÚA O III CICLO DE MÚSICA CLÁSICA EN AMORÍN CUN CONCERTO O SÁBADO 19 DE NOVEMBRO

Continuando o III Ciclo de Música Clásica en Amorín, a Asociación Veciños de Amorín, organiza o vindeiro sábado dia 19 de novembro, o seu cuarto concerto.

            Este concerto terá lugar, como de costume, na Igrexa de Amorín, as 20:30 da tarde.

             O Grupo de Clarinetes Klason, da agrupacón musical do Rosal, ofrecerá música de Bach, Mozart, Strauss, etc.

            Colaboran a Deputación de Pontevedra, Concello de Tomiño, Ondacero e RMT.

O grupo de clarinetes Klason nace no seo da Agrupación Musical do Rosal no ano 2003, contando daquela con 13 compoñentes, todos eles alumnos da Escola de Música da Agrupación.
A idea de formar este grupo xurdíu para traballar a música de cámara.
A programación do seu repertorio é moi ampla: música de escena, blues, swing, barroco, clásico, romántico e contemporáneo.
As súas actuacións céntranse principalmente nos eventos organizados pola Agrupación a qué pertencen, destacando a súa labor en concertos solidarios, inauguracións, homenaxes ou recitais.
Actualmente este grupo é unha formación de 8 compoñentes, dirixidos pola que foi a súa creadora e fundadora Begoña Domínguez Cerqueira, licenciada en clarinete polo Conservatorio Superior de Música de Vigo.
BEGOÑA DOMÍNGUEZ CERQUEIRA nace no Rosal no ano 1974.
Con 8 anos comeza os seus estudos musicais na Banda Agrupación Musical do Rosal, posteriormente continúa no Conservatorio de Música Elemental da Guarda e no Conservatorio Superior de Música de Vigo, onde remata os seus estudos superiores na especialidade de clarinete con D. Francisco Pérez.
Ten realizado diversos cursos de formación e perfeccionamento en Clarinete con profesores de prestixio como, D. Miguel Espejo, D. Asterio Leiva, D. Fernando Abreu, D. Carles Riera, D. Mª Ángeles Galán Estacio, D. Juan Vercher Grau, D. Esteban Valverde,.....
Tamén realizou cursos de Pedagoxía Musical e Investigación Psicolóxica e Pedagóxica con profesionais como, D. Jos Wuytack, D. Edwin Gordon, Dna. Susa Herrera, Dna. Inma Espiño,...
Na súa faceta como instrumentista foi membro da Banda da Federación Galega de Bandas de Música Populares dende a súa fundación e tamén formou parte da Agrupación Musical do Rosal. Participou en numerosos Certames Nacionais e Internacionais, así como actuou en importantes salas de concerto.
No campo da pedagoxía impartíu clases de Clarinete no Conservatorio Coppelia-Vigo, no Conservatorio Mayeusis-Vigo. Na Escola de Música da Agrupación Musical do Rosal e na Escola Municipal das Neves impartíu clases de Linguaxe Musical (nenos e adultos) e Clarinete.
Na actualidade é profesora na Agrupación Musical do Rosal.