ESPECIAL - A GUARDA SE VISTE DE CORES COAS ALFOMBRAS FLORAIS DO SANTÍSIMO 2013

O municipio de A Guarda vivíu a pasada fin de semana as Festas do Santísimo e celebración do corpus coa confección de alfombras florais e a Procesión do Santísimo. Dende primeira hora da noite do sábado veciños das rúas e colaboradores comezan marcando o deseño das laboriosas alfombras, para proseguir coa confección das mesmas con flores e sal.

Os participantes neste laborioso e complicado traballo pasan toda a noite preparando este lucido velo de flores, pero é un traballo que xa se leva adiantando dende fai meses en numerosos baixos e bodegas familiares, coa preparación das flores, pétalos, palla e demáis compoñentes empregados na confección das mesmas.

Este ano a Praza do Reló e mailas rúas Ignacio Sobrino, Oliva, Hernán Cortes, José María Lomba Peña, Malteses e Concepción Arenal foron as rúas engalanadas cos tapices florais, ademáis na Ribeira destacou o deseño elaborado con sal tinguida de cores, que tamén se reproduxo noutra rúa cercana.

Moitos veciños da comarca e visitantes achegáronse para coñecer a súa elaboración durante a noite e o seu elaborado resultado antes da Procesión do Santísimo, que dende as 12:30h do Domingo percorreu as rúas.

Este ano o factor predominante foi o vento, o ano pasado foi a choiva, pero nalgunha das rúas se tivo que retrasar o traballo de confección por mor das ráfagas de vento que obrigaron a empregar mesmo pegamento e auga para evitar que as flores, colocadas estratéxicamente e seguindo un riguroso deseño, se movesen do seu sitio e luciran o deseño orixinal proposto por cada un dos comités organizativos, que por rúas, se encargaron da confección das mesmas.

Ás 12:00h comezaba a misa do Santísimo e sobre ás 12:30h a procesión, que saíu dende a Igrexa parroquial de A Guarda, chegaba ata a Praza do reló,  momento no cal se bendeciron as bandeiras do Concello e se lanzaron flores dende as balconadas, soltando tamén algunhas pombas.

A procesión seguiu polas rúas nas que se confeccionaron as alfombras florais durante a pasada madrugada, realizando diferentes paradas nos altares ubicados no seu percorrido.

A procesión foi seguida por moitos visitantes e guardeses que se congregaron nas rúas da vila para ver pasar a procesión e algúns deles a seguiron desde as súas casas, lanzando flores dende os balcóns ó paso da procesión.

FOTOGRAFÍAS

Fotos de Jorge Alonso Daldea e Belén Domínguez Carrera

Ver reportaxe da confección das alfombras
Ver reportaxe das alfombras rematadas
Ver reportaxe da Procesión do Santísimo

RECOMIENDA INFOMIÑO.COM