ESPECIAL - A Guarda vivíu unha intensa xornada este domingo coas alfombras florais e a procesión do Santísimo

O Domingo 29 de Maio de 2016, A Guarda viviu unha intensa xornada coa Procesión do Señor, enmarcada nas Festas do Santísimo, na cal participan autoridades, hermandades, cofradías e os rapaces que realizan a súa primeira comunión, acompañados por centos de persoas e a Banda de Música de A Guarda.

Trala misa celebrada na Igrexa Parroquial de Santa María de A Guarda, pasadas  as 13:00h a procesión facía a súa chegada a Praza do reloxo ou Praza do Concello, momento no cal se bendeciron as bandeiras do Concello e se lanzaron flores dende as balconadas, soltando tamén algunhas pombas.

A procesión seguiu polas rúas nas que se confeccionaron as alfombras florais durante a pasada madrugada, realizando diferentes paradas nos 4 altares ubicados no seu percorrido.

A procesión foi seguida por moitos visitantes e guardeses que se congregaron nas rúas da vila para ver pasar a procesión e algúns deles a seguiron desde as súas casas, lanzando flores dende os balcóns ó paso da procesión.

Dende fai meses, centos de persoas voluntarias traballaron en baixos e casas na confección dos diseños e na preparación dos diferentes tipos de flores que se empregan na elaboración destas alfombras para o paso da procesión do Señor.

Nesta edición a situación metereolóxica obrigou a retrasar o inicio dos traballos de confección das alfombras, que se iniciou entorno ás 6:30h da madrugada, despois dunha intensa treboada. Debido a isto o traballo, que normalmente se fai durante toda a noite, se rematou nunhas horas, moi intensas para todos os voluntarios, que amosaron unha vez máis o seu compromiso co pobo de A Guarda e voltaron a tinguir de cores as rúas da vila. Seguíuse traballando ata ben entrada a mañá, e a excelente coordinación dos voluntarios fixo que o traballo estivese a punto para o paso Da Procesión, adiada máis de 30 minutos para permitir que se remataran a totalidade das alfombras florais.

Na confección das Alfombras Florais de A Guarda participan persoas de todalas idade, e mesmo familias completas que adican esta noite tan especial á elaboración artística das mesmas.

	Fotógrafo:	Jorge Alonso Daldea Belén Domínguez Carrera
	Fecha:	29 de Maio de 2016
www.infomiño.com © 2016. Todos los derechos reservados.	Cámara:	Canon EOS 350d e 1000d
Haz clic en la imagen para ver la galería de fotos