ESPECIAL - ACTO DE PECHE E ACTUACIÓNS MUSICAIS DA V MOSTRA DE TEATRO DO MIÑO

Onte, domingo 1 de Maio, dábase por rematada a 5ª Mostra de Teatro do Miño. Tras 7 actuacións de distintos grupos e asociacións teatrais, chegábase ó Acto de Peche celebrado ás 21:30 h no IES A Sangriña.

Durante tres xornadas, o Auditorio de O Rosal, o Auditorio de Goian e o Salón de Actos do IES A Sangriña, celebraron as diversas obras teatrais que o público asistente foi votando ó final de cada unha, para o cal, con cada unha das entradas se repartía a tódolos asistentes cunha papeleta ca que podían votar ás obras con 1, 2, 3, 4 ou 5 puntos. A obra con maior número de votos levaríase o premio do público.

Antes de dar o nome dos gañadores, mentres facían o reconto dos votos da última obra, o grupo de Alfredo Garrido e Nuria Vázquez composto por alumnos do IES A Sangriña, actuou para o público asistente tocando unha peza con instrumentos tan diferentes coma o violín, o piano ou o yembé, entre outros. Tras eles lles seguiu a actuación do grupo de pandereteiras "Sae a Lua", quenes animaron ós asistentes con tres pezas.

Deuse por clausurado o acto cando o Alcalde de A Guarda, José Manuel Domínguez Freitas, subía ó escenario para dar o nome do grupo teatral gañador do premio do público, que nesta 5ª Mostra de Teatro do Miño correspondeulle a "Teatro IES Vilar Ponte" do Concello de Viveiro ca obra "Aventuras e desventuras no Camiño de Santiago da Princesiña Socorro, o Trobeiro Carolo e o Demo dos Cornos".

FOTOGRAFÍAS

VIDEOS