ESPECIAL - APROBADOS OS ORZAMENTOS 2012 NA GUARDA SEN APOIO DA OPOSICIÓN

A proposta da aprobación inicial dos Orzamentos para o ano 2012 prosperou finalmente cos votos favorables dos 7 concelleiros do PSOE e cos votos en contra dos concelleiros presentes da oposición (PP, BNG e Converxencia Galega). A falla de dous concelleiros do PP na sesión do pleno extraordinario facilitou que coa totalidade dos votos do PSOE se aprobase e prosperase esta aprobación inicial dos Orzamentos do ano 2012, que chegan dun xeito tardío, sen consenso e moi criticados pola oposición.

Falamos duns orzamentos que superan os 6 millóns de Euros, contando a maiores con máis de 200.000€ do Padroado do Monte Sta. Trega.

Na rolda de intervencións Beatriz Estéves de Converxencia Galega explicou o seu voto en contra pola necesidade dunha mellor valoración por parte da interventora, o que podería mellorar a calidade destes orzamentos. Por outra banda Xan Lois Lomba e Hortensia, do BNG, expuxeron que non poden votar a favor duns orzamentos nos que non se contou coa súa formación política para a súa confección e que son "unha copia burda dos orzamentos do ano anterior", alegando ademáis que xa se deberían de ter aprobados fai tempo, estando xa fora de contexto e no que non se incluen mocións importantes presentadas polo BNG comao Plan de Tráfico, o Proxecto de Reforma da Praza de Abastos ou a solución á Saída Sur do Porto de A Guarda, entre outros.

Pola súa banda o Concelleiro Antonio Fontenla do Partido Popular, explicou o seu voto en contra alegando que os orzamentos definen  o funcionamento principal da vida do concello e son garante do benestar dos seus ciudadáns, polo que non o apoian porque non se contou con eles para a súa valoración, alegando ademáis que o informe realizado pola interventora non é favorable.

A Concelleira de Facenda Montserrat Magallanes explicou que o informe da interventora si é favorable e que o recente decreto de plan de axuste pubicado no BOE non influe nestes orzamentos. Alegou que o concello traballa en función da problemática dos asuntos sociais, cun presuposto que tenta ser realista, alegando ó informe da interventora que insta a ser prudentes nalgúns aspectos. Neste senso alegaron a gran cantidade de aportacións que a Xunta de Galicia adebeda ó Concello, que supón máis de 400.000€ e algunhas subvencións de menor importe que "se a Xunta cumplise non habería problemas de pago cos Proveedores Munucipais, como está a acontecer.

FOTOGRAFÍAS