ESPECIAL - CONVENIO CONCELLO DE TOMIÑO-INSTITUTO DA MULLER

A Alcaldesa, Sandra González, e membros do goberno local recibiron esta mañán a directora do Instituto de la Mujer, Laura Seara. A visita tiña como obxecto asinar un novo convenio do Programa Clara que terá unha duración de dous anos.
O Plan Clara é un programa de igualdade de oportunidades dirixido a mulleres con dificultades especiais para a súa inserción social e laboral. O Instituto de la Mujer financiará con 82.000 euros este convenio no que se seleccionará un grupo de mulleres coas que se traballará o empoderamento a través dunha intervención psicosocial e formativa que as capacite para a súa autonomía e inserción. Para elo fomentarase a autoestima e a confianza así como a promoción para o emprego estable.
En base aos bos resultados obtidos en Tomiño, se asinou este novo convenio ampliando a súa duración. Laura Seara se mostrou "moi satisfeita polos bos resultados do anterior programa en Tomiño no que se traballou con 20 mulleres. E desas 20 mulleres se conseguiron insertar laboralmente 5". Segundo enfatizou a directora do Instituto de la Mujer " se traballa con mulleres con dobre e triple discriminación, e iso conleva a teñan un maior grao de exclusión social". Laura Seara nas declaracións a prensa insistiu en que "falar de igualdade é falar de eficiencia e eficacia económica, sobre todo nestes momentos de crise económica xa que o 60% do persoal que sae das universidades son mulleres".
Pola súa parte, a Alcaldesa de Tomiño, Sandra González, agradeceu a directora do Instituto de la Mujer "por colaborar connós en mellorar a situación das mulleres en Tomiño, sobre todo aquelas que máis o necesitan". Insistiu na importancia que tivo o programa na vida das mulleres que participaron nel e tomou as palabras que as usuarias lle transmitiron na clausura do anterior plan: "hai un antes e un despois do Plan Clara" 

FOTOGRAFÍAS

VIDEOS