ESPECIAL - ENTREVISTA Ó ALCALDE DE A GUARDA - PREMIO EDEN 2010

ENTREVISTA PREMIO EDEN 2010
JOSÉ MANUEL DOMÍNGUEZ FREITAS

(ALCALDE DE A GUARDA)

1. ¿CÓMO E CANDO XURDE O PROXECTO "A GUARDA - HORIZONTE NATURAL?

O lema "A Guarda, horizonte natural" nace no 2008 como froito do traballo encargado pola Concellería de Turismo a una empresa para elaborar un Plan Director de Turismo. Polo que ten relación co premio EDEN, aproveitamos o lema e fixemos un proxecto, no primeiro trimestre do ano, que foi o que mereceu o galardón de Destino Turístico de Excelencia.

2. COMO BEN DIXETES EN BRUSELAS "SER DESTINO TURÍSTICO DE EXCELENCIA NON É UNHA META, SENON UN CAMIÑO"¿CALES SERÁN OS PRIMEIROS PASOS DE ESE CAMINO TURÍSTICO QUE COMEZA EN A GUARDA?

O primeiro paso dese camino, e moi importante, deuse o día 28 coa adhesión de A Guarda e dos restantes premiados á Rede EDEN. A unión de tódolos destinos danos moita máis forza e máis presenza. Outro paso importante que haberá que dar será o de involucrar a tódalas administración no desenvolvemento turístico sostible deste concello. É imprescindible tamén que a iniciativa privada aposte decididamente no sector turístico.

3. ¿CALES SERÁN AS PRIMEIRAS ACTUACIÓNS EN MATERIA DE INFRAESTRUCTURAS QUE SE LEVARÁN A CABO PRÓXIMAMENTE E CALES ESTÁN XA REALIZADAS?

O principal argumento que nos fixo merecedores do premio foi o esteiro do Miño e a súa riqueza medioambiental. Non podemos perder isto de vista. Todo o que fagamos ten que preservar o medio ambiente. Dito iso, para A Guarda é imprescindible mellorar o acceso por estrada dende Tui. Entre o x afeito, eu destacaría a senda litoral entre o porto e a Praia do Muíño, que ten para o turismo un valor engadido innegable; tamén a ruta das cetáreas que impulsa a Cofradía ou os sendeiros do Trega.
 

4. ¿CONTARÁ O BARRIO DA PASAXE EN CAMPOSANCOS CUN ESPAZO NÁUTICO PARA EMBARCACIÓNS DE RECREO?

Cada ano o premio EDEN ten un motivo. Este ano era o turismo acuático. O potencial que temos entre O Pasaxe e A Insua para a práctica de deportes acuáticos non podemos desaproveitalo. As pequeñas embarcacións de vela, o windsurf, o kitesurf, etc teñan aquí un magnifico campo. E ten que haber ese espazo náutco para acoller as embarcacións. No Plan de Portos Deportivos da anterior Xunta había un pequeño porto no Pasaxa. Confiemos en que se manteña e se execute canto antes.

5. ¿INFLUIRÁ O NOMEAMENTO DO PREMIO EDEN 2010 EN A GUARDA NOS SECTORES ECONÓMICOS PREDOMINANTES NO CONCELLO DE A GUARDA?

Que A Guarda sexa premio EDEN 2010 ten que influir na economía guardesa. En principio, e pola repercusión que tivo nos medios, somos máis coñecidos que antes. A hostelería, o comercio, mesmo actividades que Terán que desenrolarse teñen que beneficiarse deste nomeamento. A título anecdótico, un apunte: algunas persoas xa reservaron habitación para o ano vindeiro polo temor de que veña moita xente como consecuencia da repercusión do premio.

6. ¿QUÉ ACTIVIDADES SE TEÑEN PREVISTAS PRÓXIMAMENTE VENCELLADAS Ó TURISMO NÁUTICO?

Penso que é de xustiza citar, en principio, o Clube de Remo Robaleira. As súas son actividades náuticas feitas con indudable éxito. Este ano ademáis empezouse a organizar en A Guarda una regata de Traiñeiras, das grandes. O Concello participa activamente. No pasaxe, o Club Alagua ten una escola deportiva de vela e organiza tamén eventos deportivos nos que o Concello tamén colabora. Incluso a Festa das Tradicións Mariñeiras, que mellora ano a ano, potencia o sector turístico. Estou seguro que no futuro próximo aparecerán novas ideas no sector público e no sector privado.