ESPECIAL - EXPOSICIÓN DE FOTOGRAFÍA -MULLERES MAIAS UNIDAS, QUEREMOS ENSINAR, QUEREMOS APRENDER- NO CENTRO CULTURAL DE A GUARDA

O próximo sábado 21 será a presentación no Centro Cultural a cargo dunha voluntaria de Arquitectos sen Fronteiras

Desde o día 21 de Xaneiro até o próximo 3 de Febreiro exposición de fotografía estará no Centro Cultural de A Guarda  para achegar á sociedade galega a cultura maia e as súas reivindicacións como pobo indíxena que desde hai moito tempo loita polo recoñecemento dos seus dereitos.

A exposición contén 50 imaxes realizadas por mulleres indíxenas guatemaltecas que mostran desde unha rigorosa perspectiva de xénero, a realidade cotiá a partir da súa propia experiencia. As catorce  protagonistas recibiron un curso de fotografía documental como ferramenta para contar a súa historia e as das súas comunidades: María del Mar, O Triunfo, A Verde e Aztlán. O propósito da mostra é romper con estereotipos e prexuízos que crean unha subxectividade única e estática da muller indíxena.

Este sábado, 21 de xaneiro, a voluntaria da ONG Arquitectos sen Fronteiras e veciña da Guarda, Mirian Vicente Vicente nos presentará non só a exposción senon tamén o proxecto do que forma parte, e nos falará de como transcurreu a vivencia e o traballo con estas mulleres. No acto estará tamén o responsable da ONG Emanuele Lini.

Dita exposición forma parte do proxecto de sensibilización “Coñecendo os pobos, achegando culturas” financiado pola Xunta de Galicia.

Elas son mulleres fortes e viviron máis do que nos imaxinamos. Elas desexan seguir aprendendo porque saben que o coñecemento é a base do crecemento como sociedade sen perder as súas raíces. Foron mulleres receptivas, libres, iluminadas. E a realidade non ensombrece a beleza das imaxes que nos mostran, son tan dignas como elas.
(Adriana Leira, facilitadora do curso).

FOTOGRAFÍAS