ESPECIAL - INAUGURACIÓN FORTALEZA DE GOIÁN

O venres 22 de xuño dábanse cita numerosas personalidades para a inauguración do Espazo Fortaleza en Goian. Tras séculos de historia da Fortaleza de San Lourenzo, construída no século XVII, e anos de abandono e deterioro, marcábase fai 4 anos a determinación, por parte do Concello de Tomiño, de otorgarlle a esta obra e ó seu espazo ambiental unha recuperación que este venres presentábase ante os veciños do municipio, doutros concellos da comarca, e incluso dos veciños da riveira portuguesa.

Con media hora de retraso, a Banda Municipal de Goian e a Coral de Tomiño comezaban o espectáculo ca peza "A conquista do Paraíso" de Vangelis, marcando unha metáfora da propia "reconquista do paraíso" que se fixo con esta obra de recuperación, tal e como indicaba o presentador da inauguración. Cá simbiose de 4 elementos: a praia fluvial, a Fortaleza, o Rio Miño e os veciños, facíase este "Espazo Fortaleza" que tenta dar luz a ditos elementos ata o de agora agochados.

Figura importante neste proxecto foi a de Uxío Benítez, concelleiro de Urbanismo e Patrimonio do Concello de Tomiño, que agradeceu o apoio de todos para conseguir "un lugar único, cun valor incalculable pasaxístico e histórico, e que levaba anos agochado". Lembrou ademais as Fiastas, e a importancia que estas tiveron para por en valor á Fortaleza, xa que eran os propios veciños cás suas desbrozadoras os que facían as labores de limpeza da zona para poderes celebrar esta festa, polo que entende que este traballo de recuperación é unha devolución deste espazo ó "seu lexítimo dono: o pobo".  Fixo tamén mención ó Río Miño, e a similitude da profundidade das suas augas ó paso por Tomiño, ó igual que as profundas relacións co país veciño: Portugal.

O Presidente da Cámara de Cerveira, José Manuel Baz Carpinteira, describía esta obra como necesaria, non só a nivel ambiental, senón tamén a nivel turístico, e puxo como exemplo o espazo público do "Castelinho", un investimento que tamén trouxo polémica, pero que entendeu de necesario para os seus veciños e visitantes. Non descartou que nun futuro, cando a situación económica mellore, proxéctese unha ponte peatonal unindo os dous espazos.

Acudiu á cita tamén, D. Antonio Coello Bufill, Subdelegado de Goberno, que invitou a todos a desfrutar desta obra, e sinalou a importancia dunha boa sinerxia entre administracións, xa que tanto a Administración do Goberno de España como o propio Concello de Tomiño tiveron que traballar man a man para conseguires o resultado xa exposto a ollos de todos; traballo, no que a Alcaldesa de Tomiño, Sandra González, tivo moito que ver, e lembraba cómo fai catro anos acudiron cá maqueta do seu proxecto a multitude de lugares para conseguir, pouco a pouco, tódalas licenzas e permisos necesarios, do que xa só falta un: o da cafetería.

Sandra fixo un agradecemento a tódolos asistentes, ás autoridades, a Pablo Gallego, arquitecto da obra, a Movexvial, ó Foro Fortaleza, ós pescadores, a Adeto, ás Asociacións de traídas de augas e Comunidades de Montes e de veciños, a Manuel Campo Vidal, ás Treboadas, ós coros e á Banda Municipal, os veciños que cortaron os últimos eucaliptos que abriron a Fortaleza ó río, ó destacamento da marina, e unha mención especial para Uxío Benítez, a quen presentou como "alma do proxecto". Fixo fincapé na consecución dun espazo para todos, que marcará un atractivo mais do pobo á beira do río, ofrecendo o entorno que merecía unha das fortalezas mellores conservadas do espazo transfoiterizo.

Durante o acto, ademais da Banda Municipal de Goian, que interpretou varias pezas, entre elas a creada polo veciño de Goian e músico da agrupación, Andrés Álvarez, titulada "Fortaleza", que contou ca compañía de danza Sine Die de Paula Cobián, tamén actuaron o Coro de Tomiño e o Coro infantil. E para darlle o toque final á inauguración, músicos galegos e portugueses uníronse en embarcacións no Río Miño, frente ó espazo fortaleza, nun acto de hermanamento  que culminou con bombas de palenque e treboadas que proviñan de Portugal, da praia e da parte norte da Fortaleza, nun fin de festa sonoro e emocionante.

FOTOGRAFÍAS

VIDEOS