ESPECIAL - O CONCELLO DE TOMIÑO E A UNIVERSIDADE DE VIGO ASINARON UN CONVENIO DE COLABORACIÓN

O pasado Venres día 14 de Xuño de 2013 tivo lugar no Concello de Tomiño a firma dun convenio entre o goberno local e a Universidade de Vigo, que permitirá axudar a resolver 3 primeiros proxectos esteblecidos, o saneamento dos núcleos illados ou dispersos de poboación, a posta en valor da beira do río Miño e un estudo sobre o estado do patrimonio arqueolóxico presente nos montes de Currás.

Con este convenio, poderánse misturar a experiencia dos diferentes grupos de traballo e especialistas da universidade de Vigo, coa necesidade que ten o concello de dar saída a certos puntos de interese para a veciñanza en materia de saneamento, arqueoloxía recuperación de espazos medioambientais.

O reitor da Universidade de Vigo, Sr. Salustiano Mato adiantou que no mes de Xullo se comezará co proxecto de estudo do xacemento arqueolóxico de Currás, onde participará o experto en historia e Arqueoloxía Sr. Fermín Pérez Losada e a tudense Sra.Silvia González. Nestes traballos iniciais empregaráse a tecnoloxía xeoradar para, sen necesidade de relaizar grandes excavacións, poder determinar a magnitude, e características deste xacemento, para o seu posterior análise e previsión de actuacións con posibilidade de realizarse no lugar.

Para a posta en valor do río Miño, teránse en conta as contornas naturais, defensa e conservación do patrimonio natural  coa creación de percorridos fluviais, zonas de lecer, facilitar o acceso a zonas de interese medioambiental, entre outras.

Un dos apartados iniciais deste convenio é a busca de solucións en temas de saneamento, tendo en conta que Tomiño é un municipio de grande extensión e dispersión da poboación, no que existen núcleos rurais moi afastados, que aínda non contan con este servizo municipal e que coaparticipación da Universidade estudiarase a aplicación de tecnoloxías alternativas eficientes e máis económicas que os sistemas tradicionais de tubaxes.

A alcaldesa Sandra González  destacou que este tipo de convenios son de vital importancia para resolver temas que, por medios propios municipais, sería moi complicado de levar a cabo, destacando que con estes proxectos se abrirá Tomiño ó Río Miño, se mellorará a rede de saneamento e se avanzará na recuperación do patrimonio arqueolóxico do Concello.

FOTOGRAFÍAS

Fotos de Jorge Alonso Daldea