ESPECIAL - O CONCELLO DE TOMIÑO PRESENTOU UNHA CAMPAÑA DE NADAL BASEADA NA INTEGRACIÓN E NA SOLIDARIDADE

O Concello de Tomiño presentou o Luns 12 de Decembro a Campaña de Nadal 2011/12 na que participarán case a totalidade das parroquias do Concello e Asociacións de Empresarios como ADETO e tamén Asociacións de carácter social coma Avelaíña ou Vontade. 

O Nadal de Tomiño 2011 caracterízase pola solidaridade e a integración, contando cunha campaña masiva de recollida de alimentos e xoguetes nas parroquias e tamén nas escolas do Concello mediante cartelería.

As instalacións cubertas da Carballa albergarán boa parte das actividades para os máis cativos con obradoiros de maquillaxe, cartas ós reis magos, colgantes de madeira, marionetas, títeres, entre outras.

O Auditorio de Goián acollerá tamén concertos da Banda de Música, da Coral e do Grupo de Corda.

Na tradicional Cabalgata, que percorrerá as rúas entre o Campo do Alivio e a Praza do Seixo, entregaránse rifas para un sorteo especial de 3 bicicletas entre todos os asistentes, ademáis de lambiscadas para os máis cativos.

A edil Sandra González manifestou que nos tempos que corren é preciso facer un esforzo económico, que se reflexa no 40% de aforro no alumeado de Nadal deste ano, "é mellor realizar un recorte nestes gastos e non nos gastos sociais".

A alcaldesa manifestou o seu agradecemento ás diferentes Asociacións do Concello que participan nesta Campaña Solidaria de Nadal.

FOTOGRAFÍAS

VIDEOS