ESPECIAL - O PSdG-PSOE É A GARANTÍA DO MANTEMENTO DO ESTADO DO BENESTAR EN ESPAÑA

O pasado Xoves 17 de Novembro de 2011 celebrouse no Salón de actos do Centro Cultural da Guarda un mítin do PSdG-PSOE no que interviñeron o edil socialista José Manuel Domínguez Freitas, o Secretario Provincial Modesto Pose, a candidata a deputada Eva García de la Torre e a candidata e ex-ministra Elena Espinosa.

Neste mitin, no que acudiron máis de 200 persoas estiveron tamén presentes membros da corporación local e dos veciños concellos, así coma simpatizantes e coñecidos.

Modesto Pose manifestou que aínda que as enquisas dan como gañador ó candidato do PP, non está todo o partido xogado e aínda se pode dar á volta á tortilla nas furnas o 20N.

A Candidata a Deputada Eva García de la Torre explicou que neste momento que vivimos é cando precisamente temos que votar ó Partido Socialista, posto que exceptuando ós oito anos de goberno de Aznar, "o estado do benestar chámase Partido Socialista" e hai que votar ó partido socialista para poder mantelo e continuar co traballo feito ata o de agora, criticando que o Candidato do PP sabe o que vai facer se gaña as eleccións pero non dí todo o que quere facer baixo un programa oculto.

Na ultima tanda de intervencións tocoulle o turno á candidata e ex-ministra Elena Espinosa, quen manifestou que os socialistas son conscientes de que estamos pasando por unha situación difícil, onde hai moita xente que hoxe non ten traballo e que o está pasando moi mal e que hai que ser capaces de solucionar este problema, pero que o PP non vai a solucionar este problema a xente de a pé, é posible que lle solucionen o problema a "catro amigos, catro empresas.. pero non a xente traballadora e de clase media".

FOTOGRAFÍAS

VIDEOS