ESPECIAL - TOMIÑO ACOLLEU O FESTIVAL SOLIDARIO POR MARTA

Texto e fotografías de Alberto Sobrino

Emotiva tarde a do domingo no Auditorio de Goian. Marta, nena goianesa de 10 anos, entregaba as esculturas doadas por Carlos Fierro e Carlos Fernández e que, a través da venta de papeletas, conseguiron recaudar os cartos necesarios para mercar un andador especial que ela necesita para que o seu día a día sexa máis doado. 

Xeniales como sempre, Os Campelos, Paco e Roberto, guiaron o festival cun patio de butacas cheo a reventar de persoas que riron coas súas ocurrencias, cos seus contos e imitacións. 

A primeira intervención da tarde foi de Emilio Lomba Vicente, pai de Marta, agradeceu a todos aqueles que colaboraron de calquer xeito en que se puidera acadar o ansiado andador  " nada disto sería posible sen a solidaridade de cada un de vos, esta palabra máxica, SOLIDARIDADE, unha palabra que marcou un antes e un despois na comarca do Baixo Miño e arredores, e esta epidemia de bon facer que nos invadiu a todos, fixo posible acadar este soño. Moitas gracias a cada un de vos, a cada xesto, acción, intención, motivación , idea que aportastedes a este evento chamado “ Axudemos a Marta “"

Deron Os Campelos paso a continuación a José Pérez, xoven rosaleiro que representa a comarca do Baixo Miño no concurso Recantos do Luar e que interpretou, con gran éxito, dous cancións. 

Apareceu polo escenario a duquesa de Alba que había perdido o seu marido en Portugal e quixo aproveitar para felicitar a Marta polo seu andador. 

Entrou en escea entón Eva Carreras, acompañada á guitarra por David Regueiro. Eva é mais que unha exconcursante de Operación Triunfo: é unha artista cunha gran carreira por diante que a merece pola súa voz e pola súa solidariedade.

Os dous temas de Eva Carreras deron paso a primeira parte da actuación do grupo folk Zurrumalla. Os seus componentes deron encima do escenario una lección de saber facer música e de saber involucrar o público.

Depois da actuación dun Raphael campelizado, pasouse o momento mais importante da noite. Primeiro os presentadores pediron que subiran o escenario dous dos que prenderon a mecha da solidariedade no Baixo MIño: Carlos Fernandez e Carlos Fierro. Os escultores, tan generosos como tímidos encima do escenario, foros os encargados de recibir a Marta. Marta entrou andando, un xesto tan sinxelo que non podería facer sen este novo andador. Emoción no público asistente que recibiu a Marta cunha ovación pechada en pé, e con bágoas de ledicia en moitas caras.

Entregáronse as esculturas e a primeira sorpresa foi por parte de Ana Fernández (Nita)  que, co seu pai como representante, entregou a escultura a Marta. Os pais de Marta decidiron entón que esa ía a ser unha escultura doblemente solidaria e déronlla a Alma, unha nena viguesa cun problema mitocondrial que lle impide facer unha vida normal. Agardamos que a súa historia teña o mesmo final feliz que a de Marta. A continuación entregouse a segunda escultura a Camilo Sío.

Sobre o escenaria Marta recibiu varios agasallos por parte de Zurrumalla e Eva Carreras, pero o máis especial foi o texto que lle dedicou María Magdalena, a súa curmán que emocionou a tódolos asistentes. 

O remate da festa sería con Marta enrriba do escenario tocando as cunchas na segunda parte da actuación de Zurrumalla que sacaron a escea a seus amigos guardeses, entre eles o padriño de Marta, Rodrigo Baz, para cantar "Morena por ti" e a Riki, vigués colaborador do grupo.

Cando todo parecía que rematara comenzaron a soar os bombos, caixas e gaitas da treboada "Os da Fonte do Frade" que arrancaron palmas de tódolos presentes que pediron duos bises.

FOTOGRAFÍAS