ESPECIAL - VISITA Á ADEGA QUINTA DE LA ERRE NAS EIRAS - O ROSAL

O pasado sábado 5 de Outubro, en plena colleita da uva desta tempada 2013, facíamos unha visita a xove Adega "Quinta de la Erre". Unha iniciativa empresarial comandada pola parella composta por José Santiago Rodríguez e Eva Rubal; o primeiro xa con experiencia no sector viticultor, o que lle ofrece unha formación que se combina perfectamente có seu espíritu emprendendor.

Esta visita estivo organizada polo grupo de comunicación La alacena roja, a Adega Quinta de la Erre e a Casa de Turismo Rural Abadía das Eiras. Na mesma participaron diversos "blogueros" ligados ó mundo vitivinícola e gastronómico de Galicia, así coma medios de comunicación. O inicio da actividade foi ás portas da Abadía das Eiras, ó carón da Igrexa das Eiras no Rosal. Dende alí un grupo dunhas 15 persoas partiron cara ó alto da Magdalena, onde está situada unha pequena capela, para seguir por sendeiros de monte ata os viñedos da adega, onde se visitaron as instalacións exteriores e interiores da mesma.

Quinta de la Erre, é un viño branco que emerxe do xugo das uvas prantadas nas 12 hectáreas da finca sita nas Eiras-O Rosal, cunha producción pequena, pero rigurosamente coidada cá pretensión de ser un viño de calidade e diferente. Non atenden a grandes produccións, polo que non precisan da compra de uva. Traballan nunha filosofía na que prima a diferenciación fronte á venta en masa.

A sua primeira vendima iniciábase no ano 2011, e non sacaban a súa producción á venta ata xuño do 2012. Apostan por un proceso lento e agarimoso do seu producto, tentando buscar, a "tipicidade", a base de controlar toda a uva que entra na sua bodega, entendendo que isto só pode conseguirse centrándose na súa finca na que se acada un cultivo da metade do rendemento que a propia Denominación de Orixe Rias Baixas lle concede.

Con 2 persoas contratadas durante todo o ano para facer as labores dentro da bodega e na propia finca, e con persoal temporal para a tempada da vendimia, Quinta de la Erre, este ano 2013, ó igual que moitas outras adegas do noso entorno, tiveron que verse fronte a fronte cá meteoroloxía, tendo que parar a producción en plena vendima polas choivas destes últimos días, posto que non poden recoller a uva mollada.

Ó contrario que outras adegas, non utilizan o bagazo para a producción de licores, senón que éste ten un segundo uso como abono da propia finca, pero usan un 1% da sua producción de cara a experimientación. Na nosa visita puidemos degustar un deses productos en xestación grazas a sua inversión en I+D, un requisito indispensable de cara a diferenciación nun mercado moi amplo e fortemente competitivo.

No remate da visita á Adega e os seus viñedos, fíxose un percorrido polas instalacións da Abadía das Eiras, un establecemento hostaleiro rural ubicado a escasos metros da Adega.

FOTOGRAFÍAS

Fotos de Jorge Alonso e Belén Domínguez