ESPECIAL - VISITA Ó MOSTEIRO DE SANTA MARÍA DE OIA

O pasado Sábado 4 e Domingo 5 de Xuño o Mosteiro de Santa María de Oia acolleu unha serie de visitas guiadas de carácter gratuíto que estiveron organizadas por ACAMO (Asociación Cultural Amigos do Mosteiro de Oia).

Ó longo do fín de semana foron numerosos os visitantes que aproveitaron esta ocasión para visitar este Mosteiro no 80º Aniversario da súa declaración coma monumento histórico-artístico (3 de Xuño de 1931).

Baixo as explicacións de F. J. Costas Goberna, fumos visitando as diferentes instalacións do Mosteiro, algunhas das cales se atopan pechadas ó público polo seu deteriorado estado e o perigo que supón para os visitantes.

A construcción do Mosteiro de Oia rematouse sobre o 1231, segundo se dí, baixo a dirección do monxe francés "Bernardo", ó cal se lle chamaba maestro ou arquitecto na historia manuscrita.

A influencia francesa deixase notar con grandes semajanzas coa Igrexa Francesa de Fontenay, como por exemplo na distribución dos espazos.

Ó longo dos séculos XVI e XVII levaronse a cabo diferentes obras no conxunto arquitectónico do Mosteiro coma por exemplo a ampliación da Biblioteca(1655), unha adega(1671) ou a muralla da praia(1653).

Xa no século XVIII modificouse por completo o conxunto, actuando sobre a fachada, construída nun barroco clasicista, a creación da torre e das dúas naves de estilo clásico do patio de naranxos.

No século XIX as desamortizacións provocaron a separacións de diferentes dependencias coma as monacais e a Igrexa, que pasou a ser parroquial en 1838.

No século XX, entre o 1910 e o 1931, os Xesuítas reconstruíron as cubertas engadindo ademáis unha capela.

Durante a Guerra Civil o Mosteiro foi empregado como cárcel, chegando a albergar ata 1000 presos.

Dende o 2004 é propiedade de Vasco Gallega de Consignaciones.

FOTOGRAFÍAS

VIDEOS