Festas de San Campio de Lonxe en Figueiró do 28 ao 31 de xullo

A parroquia de Figueiró (Tomiño) celebra as festas na honra de San Campio de Lonxe os días 28, 29 30 e 31 de xullo. Durante as celebracións haberá verbenas coa actuación de diversas orquestas, así coma varios actos relixiosos.

PROGRAMACIÓN

28 de xullo

As festas comezarán o 28 de xullo có pregón de D. José Antonio Souto Pérez que virá seguido dunha verbena, a partir das 22:00h da noite, coa actuación do grupo Azar.

29 de xullo

O día 29, ás 8:00h da mañá, unha salva de bombas anunciará o comezo das festas e, a partir das 8:30h, a Treboada San Campio de Lonxe recorrerá todo o pobo.

Ás 12:00h terá lugar a Misa dos Enfermos para a bendición de enfermos. O remate será ás 21:00h, sendo o último día da Novena que xa comezou o 21 de xullo.

Pola noite, haberá unha gran verbena que estará a cargo das orquestas Los Players e Noche de Estrellas.

30 de xullo

O sábado 30 pola mañá, haberá un pasarrúas a cargo da Banda de Música de Redondela.Tamén terán lugar varias misas: ás 8:00, 9:00, 10:45 e 11:30h. As 12:00h será a Misa Solemne con sermón e procesión. Pola tarde, seguirán as misas ás 17:00, 18:00 e 21:00h.

A partir das 19:00h da tarde, realizaranse as Poxas de Ofrenda e, pola noite, haberá unha gran verbena amenizada polas orquestas Galilea e Ritmo.

31 de xullo

O último día destas festas comezará pola mañá cun pasarrúas protagonizado pola Agrupación Musical do Rosal. Tamén pola mañá haberán misas ás 8:00, 9:00, 9:45, 10:45 e 11:30h. Ás 12:00h, será a Misa Solemne con sermón e procesión. Pola tarde, continuarán as misas ás 17:00, 18:00, 19:00, 20:00 e 21:00h.

Pola noite, a verbena amenizada polo grupo Extra porá o punto e final a estas festividades.