FESTAS NA HONRA DA VIRXE DA AGONÍA DO 20 Ó 21 DE AGOSTO DE 2011 EN AMORÍN-TOMIÑO

O vindeiro fin de semana, celébranse en Amorín, as Festas na honra a Virxe da Agonía.

 Esta festa, ten a súa orixe, no ano 1846. Así, no Libro de Contas dos Santos, no folio  45 dice: “Nuestra Señora de la Agonía. Esta devoción se erigió de nueva en el dicho año de cuarenta y seis en que la sirvió de Mayordomo, Silvestre Domínguez”. Este ano os maiordomos que serven a Virxe, corresponden a Carregal e son Manuel Salgueiro e José Carlos Estévez,

Hai algo que diferenza a estas festas doutras da comarca: as Carrozas. Cada ano, o tradicional desfile de carrozas, feitas polos propios veciños, mostran o gran traballo, dedicación, ilusión e horas de sono, que lle botan as máis de 50 persoas que, dende un mes antes da festa, traballan cada noite, para ese día. Este ano 2011, estanse a facer oito carrozas: 3 no barrio da Rotea, 4 no barrio do Outeiro e 1 no barrio de Baceiro.

Nunha desas carrozas, vai a Raíña das Festas e as súas damas de honra. Este ano, a señorita Estefanía Rodríguez, coas súas damas Verónica Silva e Diana Hermida,  recibirá a coroa da súa predecesora , a raíña das festas no 2010, Lidia Ruiz.

Os precursores da festa, serán o grupo de Bombos Muinenta de Sobrada,  o venres dia 19, que  recorrerá os barrios onde se están a facer as carrozas.

  O  sábado día 20, darase inicio oficial ás Festas 2011, as 08h00 da mañá, coa tradicional tirada de bombas de palenque.  Pola tarde, as 20h00, terá lugar o primeiro desfile de carrozas. Para acompañalas  ata o Torreiro de Festas, irán  o Grupo Virxe do Alivio, en colaboración co Concello de Tomiño, e o grupo de Bombos Muinenta de Sobrada. Pola noite, a verbena será  amenizada, a partires das 22h30, polas orquestras COMPOSTELA  e  D´TACÓN.

O  domingo día 21, dará a súa entrada, a banda de música AGRUPACIÓN MUSICAL DE BELESAR, que fará un pasa rúas polo recinto da festas.  As 12h30, celébrase a Misa Solemne con homilía e procesión. Nesta procesión, sae o carro da Virxe, onde van os anxiños. Este ano son Laura Rodríguez e Saray Almeida.  Pola tarde, o último desfile de Carrozas, as 19h00 horas.  Xa pola noite, verbena a cargo da banda de música AGRUPACIÓN MUSICAL DE BELESAR  e o grupo  ARAMIO.

"A Comisión de Festas, presidida por D. Carlos Maceira, xunto con todas as persoas que o acompañan neste labor, D. Custodio Gonçalves (vicepresidente 1º), Don Marcos Benade (vicepresidente 2º),  Dña Noelia González y Dña Gloria Barbosa (secretarias), D. Telmo Vila y D. Manuel Filgueiras (tesoureiros), D Telmo González, D. Rubén Martinez y D. Carlos Martinez (vocais), queren convidar a todos os veciños da comarca, a compatir con nós, as festas en Amorín, en honra á Virxe da Agonía 2011".

Mª Victoria A. Fdez.