Gerardo Rodríguez elixido candidato á Alcaldía de Oia polo PSdeG-PSOE

O PSdeG-PSOE de Oia, na Asemblea que tivo lugar o mércores día 27 de xullo na súa sede, elixiu, por unanimidade, a Gerardo Rodríguez como candidato á alcaldía de Oia para as vindeiras eleccións municipais de 2023.

Gerardo Rodríguez agradeceu a confianza depositada nel, comprometéndose a gobernar para todos, así como a mellorar a xestión dos recursos económicos, dotando ao Concello de Oia de servicios que son manifestamente mellorables, falando do saneamento, os camiños rurais, a sanidade pública ou a cultura, entre outros.

Igualmente realizou unha crítica ao actual grupo de goberno do PP, que ten recibido a maior cantidade de recursos económicos de toda a historia do municipio, dilapidándoos nunha xestión dos mesmos moi criticable.

Gerardo Rodríguez rematou a súa intervención na Asemblea de Oia comprometéndose a continuar traballando pola mellora de Oia e apostando polo necesario e futuro cambio de goberno no municipio, un cambio que devolverá a alcaldía ao PSdeG-PSOE.