Hostalaría Guardesa chama á mobilización en apoio ao sector

A plataforma “Hostalaría Guardesa” chama á veciñanza a saír aos balcóns, ante a falta de indemnizacións ao peche decretado pola Xunta de Galicia.
“A protesta é lícita, necesitamos o respaldo masivo do pobo da Guarda, de seguir así, estamos arruinados”, recalcan desde a plataforma.
Despois de ter adiado a manifestación programada para o pasado sábado, 30 de xaneiro, pola suba de contaxios na comarca, a hostalaría vese na obriga de reanudar as protestas e facelo con forza, ante a pasividade da Xunta de Galicia que segue negando Indemnizacións polo peche da actividade.
" Ante esta agónica situación, non podemos seguir calados" din os hostaleiros, que sairán con cacerolas todos os días as 21:30h aos balcóns, ata que na Xunta reaccione, polo que piden," o apoio incondicional da veciñanza para acadalo".
Caceroladas diarias, que se suman á caravana de coches prevista para o sábado día 6 que sairá as 11:00 da mañá da esplana do Ferri e percorrerá o centro e extraradio da Vila.