Manifesto da Plataforma en Defensa da Sanidade Pública de Tui

Con data do 10 de xaneiro de 2022 constituíuse a Plataforma en Defensa da Sanidade
Pública de Tui. Esta Plataforma xurde da preocupación da cidadanía polo alarmante deterioro da
atención primaria na nosa localidade. Constitúese en asemblea aberta a todas as persoas que
compartan os nosos obxectivos, é democrática e plural.
A Plataforma créase para loitar por unha atención primaria pública, galega e de calidade.
Para garantir este servizo público esencial, reclamamos o incremento do gasto sanitario da Xunta de
Galicia, que actualmente está nun 12%, a un 25%.
Polo que respecta ao Centro de Saúde de Tui e aos equipamentos sanitarios do Baixo Miño,
as nosas reivindicacións recóllense nos seguintes puntos:
• Solicitamos a redución do cupo por profesional sanitario, que actualmente en Tui está en
1.500 por profesional
• Solicitamos que se cubra o 100% das ausencias do persoal sanitario
• Solicitamos unha ou un pediatra de urxencias
• Solicitamos o reforzo do persoal de fisioterapia con dous profesionais
• Solicitamos unha ambulancia medicalizada para a comarca do Baixo Miño
• Solicitamos a habilitación e xestión adecuada da área de espera de urxencias para evitar que
os pacientes teñan que esperar na rúa
• Considerando que non todas as persoas dispoñen de medios de transporte propios,
solicitamos un punto PCR para o Baixo Miño
A Plataforma declara así mesmo o seu apoio as mobilizacións que se están a desenvolver no
Baixo Miño en defensa da sanidade pública.
Chamamos á cidadanía de Tui para que se sume ás mobilizacións e participe nunha causa
que é xusta, sensata e asumible por persoas de diferentes ideoloxías pero unidas na defensa do
dereito humano á sáude e o benestar.
Resumo das reclamacións principais
1. Reclamamos o incremento do gasto sanitario da Xunta de Galicia, que
actualmente está nun 12%, a un 25%
2. Solicitamos a redución do cupo por profesional sanitario, que actualmente en
Tui está en 1.500 por profesional
3. Solicitamos que se cubra o 100% das ausencias do persoal sanitario
4. Solicitamos unha ou un pediatra de urxencias
5. Solicitamos o reforzo do persoal de fisioterapia con dous profesionais
6. Solicitamos unha ambulancia medicalizada para a comarca do Baixo Miño
7. Solicitamos a habilitación e xestión adecuada da área de espera de urxencias
para evitar que os pacientes teñan que esperar na rúa
8. Considerando que non todas as persoas dispoñen de medios de transporte
propios, solicitamos un punto PCR para o Baixo Miño