María Fandiño gaña o Premio Arquitectura 2021 polo seu traballo da Explanada do Horizonte do Rosal

A arquitecta María Fandiño foi a gañadora, este mércores 14 de xullo, do Premio Arquitectura 2021 na categoría "Sostinibilidade e Saúde. Valores Universais" do Consello Superior dos Colexios de Aqrquitectos de España (CSCA). Fandiño recibiu este galardón polo seu proxecto para a Explanada Horizonte do Rosal, sendo o premiado de entre os 21 proxectos finalistas escollidos entre máis de 650 obras presentadas a estes Premios Arquitectura.

Esta é a primeira edición duns galaróns que buscan recoñecer o labor de todos os profesionais da arquitectura ou relacionados con ela que contribúen a crear unha sociedade máis xusta e igualitaria. Os comités de expertos que analizaron as obras destacaron o traballo feitos pola arquitecta galega nesta obra que "exemplifica un novo xeito de traballar co territorio e a paisaxe con estratexias de mitigación e adaptación ao camio climático".

O Concello do Rosal fecilitou á arquitecta por este premio e recoñeceu o labor feito por María Fandiño no proxecto de revalorización e mellora deste espazo do municipio. "Para nós é un orgullo ver como os e as profesionais recoñecen todo o traballo de recuperación de memoria realizado con este proxecto, co que se restaurou o ecosistema costeiro e devolveuse un lugar para quedarse cara ao horizonte”, destacou a alcaldesa, Ánxela Fernández Callís.

A Explanada do Horizonte nace da capacidade de María Fandiño de entender o territorio como un artificio elaborado, estudando minuciosamente os seus compeñentes para adpatar o proxecto á paisaxe que o rodea. Nel destaca o valor da sostinibilidade, xa que o proxecto buscaba rexenar o espazo empregando técnicas e materiais propios da zona.