Mellor local, mellor galego - Campaña polo comercio local

Baixo o lema “mellor local, mellor galego”, os nacionalistas realizaron repartos de material e carteleria nos comercios locais da cidade. “Unha campaña que lanzamos como todos os anos por estas datas, e que está tendo unha moi boa acollida”, indica o concelleiro Xosé Manuel Martínez “Tato”; “É unha cuestión de convincción: defendemos unha economía circular e o consumo de proximidade. Chamamos aos tudenses a consumir no comercio local e a promover unha economía que benefície aos nosos concidadáns, moito mais tendo en conta a realidade actual e a situación pola que estamos a pasar”, remata.

O comercio local: en risco polo modelo de cidade, sumada á realidade actual

O BNG tamén indicou que a situación concreta do comercio local en Tui é complexa, e que “nela conflúen multiples problemáticas”. Trasladan que  os sucesivos gobernos locais “tiveron en común o desorde, ausencia de planificación e falta de propostas a longo.” A voceira local do BNG, Carme Núñez defendeu que “é unha cuestión que xa se arrastraba, e que a pandemia da COVID, e o aumento das compras en liña viu a agudizar. No entando, é evidente que o modelo de cidade condiciona as actividades económicas: humanizar a cidade, retirar os coches, dinamizar o casco urbano e permitir un transporte e conexións coas parróquias son cuestións que non se atoparon na axenda do PP e do PSOE, e que evidentemente, dinamizarían a economía e o comercio local. É unha realidade contrastada.