Negocios e veciñanza de Tomiño coñecen as obrigas e claves da nova Lei de Residuos

Dende o mércores 13 de xullo, a veciñanza e os negocios de Tomiño coñecen as claves da nova Lei de Residuos, que obriga a tódolos negocios e hostelaría a separar o seu lixo orgánico sen excepcións. Con motivo da aprobación desta lei o pasado 30 de xuño, persoal técnico do Revitaliza da Deputación de Pontevedra explicou no Mercado municipal os principais puntos a ter en conta, tanto pola hostelaría coma os domicilios paticulares.

En primeiro lugar, os técnicos Silva e Pinto subliñaron que a nova lei establece que todos os productores de lixo deben responsabilizarse da súa separación e correcta xestión. Se no municipio aínda non hai unha rede de recollida de residuos orgánicos e existe un negocio que os produce, este debe facerse cun composteiro individual ou chamar ao concello para pedir que habilite un comunitario nas inmediacións, se é posible. Noutro caso, deberá contratar un xestor de biorresiduos que pase a recollelos para tratalo debidamente.

Os negocios deben poder acreditar a súa correcta xestión dos residuos se llo requiren nunha inspección. De feito, a lei establece que a Xunta e os concello teñen a orbiga de realizar inspeccións, puidendo establecer multas elevadas para aqueles que incumpran a normativa. Entre as infraccións graves atópase o vertido ou abandono do lixo e o impedimento de realizar unha inspeccións e control. As sancións por estes motivos poden oscilar entre os 2.000 e os 10.000 euros.

No caso da veciñanza, tódolos concellos de máis de 5.000 habitantes teñen a obriga de recoller separadamente todas as fraccións do lixo, incluída a organica, ou ben en composteiros ou nun colector marrón. Neste sentido, o concello de Tomiño é un dos poucos de toda Galicia que está preparado para alcanzar ás cifras de reciclaxe que establece a normativa grazar ao seu despregue dunha rede de composteiros durante os últimos anos.

Segundo destacou o persoal técnico, "é preciso que, sobre todo as persoas propietarias de negocios muden a súa filosofía con respecto ás súas obrigas ante os residuos", xa que, coa nova normativa, tal como indicou o vicepresidente da Deputación, César Mosquera, "estase a producir unha grande revolución que non permite ao comercio e hostelaría poñer escusas e botar balóns fora alegando que os concellos non prestan os servizos".