O BNG denuncia que PP e Fariñas perpetúan a simboloxía franquista na Guarda

A retirada de simboloxía franquista é unha obriga legal que as administracións locais deben asumir. Nalgúns casos a falta de orzamento impide que os concellos leven adiante as retiradas, para iso a Deputación de Pontevedra ten unha liña de subvencións para que os concellos cumplan coa normativa da Lei de memoria vixente.

O concello da Guarda ven de renunciar a unha subvención  concedida pola Deputación de Pontevedra, para a eliminación de símbolos afectados pola lei da memoria histórica .

“ Que o goberno PP-Fariñas renuncie a unha subvención que tiña concedida para este cometido supón non só  perder unha oportunidade para cumprir coa Lei , senón un desprezo   a todas as persoas represaliadas  por  defender a liberdade frente a sen razón da dictatura franquista”- lamentou o portavoz do BNG, Anxo Baz.

Non resulta extraño que un Alcalde do PP coma  Roberto Carrero que no seu momento decidiu  retratarse co lider da extrema dereita, actúe desta maneira. Semella máis sorprendente que o seu socio de goberno  Celso Fariñas, se preste  as manobras da dereita máis nostálxica do pasado.