O BNG levará ao parlamento galego a situacion dos traballadores de IKF na Guarda

O BNG levará ao Parlamento Galega a situación dos traballadores da empresa IKF da Guarda, que se atopan en folga dende hai varias semanas trala negativa da empresa a negociar a homologación das condicións laborais e salariais das traballadoras e traballadores.

Así o anunciou o deputado do BNG Manu Lourenzo no día de hoxe durante á visita ao piquete informativo dos traballadores que realizou xunto ao portavoz municinal do BNG na Guarda Anxo Baz.

O exemplo de solidariedade obreira dos traballadores e traballadoras de IKF, que xuntos defenden algo tan de xustiza como a igualdade de condicións laborais para as persoas que realizan o mesmo traballo, é meritorio nos tempos que corren. Dende o BNG, queremos amosarlles todo o noso apoio e acompañalos nesta loita que é a loita de toda a comarca do Baixo Miño pola xustiza laboral en IKF.

Pola súa banda o Portavoz municipal do BNG na Guarda Anxo Baz destacou que defender os dereitos laborais en IKF é defender o futuro de a Guarda e do toda a comarca do Baixo Miño. Nós apostamos polo futuro da Guarda e iso pasa por estar a carón das traballadoras e traballadores.

O representante do comité de empresa entregou aos representantes do BNG un documento coas reivindicacións laborais dos traballadores e co estado das negociacións. “En IKF somos un grupo unido de traballadores, se discriminan a un discrimínannos a todos, e por iso levamos semanas en loita. A empresa debe negociar, e nós estamos dispostos a facelo, pero negociar non é unicamente ceder. Se queren sentarse a falar non teñen máis que descolgar o teléfono, se non nos deixan máis alternativa que loitar polo futuro dos nosos postos de traballo que non teñan dúbida que chegaremos a onde faga falta.