O Centro de Medelo de COGAMI viaxa a Tomiño para disfrutar dunha navegación polo río Miño

Coa temperatura ao seu favor, as persoas usaarias e profesionais do centro de recursos que COGAMI ten en Medello (Silleda), disfrutaron dunha experiencia de navegación por río Miño nunha xornada que resultou ser do máis atractiva.

O grupo, formado por nove persoas, sete usuarias e dúas profesionais, trasladouse dende a comarca do Dea ata a do Baixo Miño para participar nunha xornada de navegación organizada pola entidade Vontade en colaboración có Club Amarras.

No concello de Tomiño estaban agardando a este grupo representantes da asociación Vontade, entidade membro de COGAMI que está situada na comarca do Baixo Miño, para levar unha actividade na que participaba por vez primeira o centro de Medelo e que, trala experiencia vivida, de seguro que volverán repetila en vindeiras ocasións.

Esta actividade desenvólvese en colaboración co Club Sen Amarras, co fin de facilitar que as persoas con discapacidade poidan achegarse e coñecer a riqueza natural e ambiental da comarca do sur da provincia de Pontevedra e de maneira inclusiva. De entre o grupo participante, con idades entre os 27 e 52 anos, unha das persoas era usuaria de cadeira de rodas eléctrica, ningún impedimento para que puidera vivir a experiencia co resto do grupo.