O CONCELLO DE TOMIÑO E A CÁMARA MUNICIPAL DE VILA NOVA DE CERVEIRA PRESENTARON ONTE A V EDICIÓN DO TRIATLON DA AMIZADE

As Federacións Galega e Portuguesas de Triatlon en colaboración co Concello de Tomiño e a Cámara de Vila Nova de Cerveira organizan a 5ª edición do Triatlon da Amizade.  O evento terá lugar  o vindeiro sábado día 25 de setembro entre as vila de Cerveira e Goián.

O programa desta nova edición conta coa celebración de probas das categorías menores (alevín, infantil e cadete) pola a partires das 12h00 no embarcadoiro de Goián e coas probas propiamente ditas do triatlon a partires das 16h30 .

De novo, o percorrido da actividade circulará polos lugares emblemáticos de ambas vilas como poden ser a praia de Goián e a súa fortaleza, o castelo de Lovelhe, o embarcadoiro de Cerveira ou a propia ponte da amizade.

O triatlon está conformado por tres probas: natación, bicicleta e carreira a pé. Para a primeira actividade a distancia a nadar son 750 m e farase coa pleamar partindo da praia de Goián cara o embarcadoiro de Cerveira. Para a segunda, bicicleta, calcúlanse 19 kilómetros que se desenvolveran no en torno do forte de Lovelhe. Finalmente, a carreira a pé farase na fortaleza de Goián e contará con 5 kilómetros.

Os deportistas d aproba puntuan para o Campeonato Galego de Triatlon  Cross e para a Taça de Triatlon Cross portuguesa.

Polo de agora os inscritos superan o centenar e se prevé superar os índices de asistencia da pasada edición. Para inscribirse pódese facer tanto na federación galega de triatlon como na portuguesa rematando o prazo o vindeiro martes.

Os organizadores resaltaban a boa acollida da proba que ten en ambas vilas, de feito falaban de “expectación” por parte dos veciños e veciñas ante a pronta celebración da mesma.

Benito Guerreiro, como membro da dirección da proba, enfatizaba o feito de que o triatlon é “ máis que un evento deportivo, serve tamén para dar a coñecer o patrimonio que temos. Ademáis, implica a xente do pobo tanto de Tomiño como de Cerveira e isto é o que lle dá sentido o evento.”

O vereador de desportos do Câmara de Vila Nova de Cerveira, Sr Fernando Matías,  pola súa parte, reflexionaba sobre a “valorización da actividade deportiva como unha unión de fronteiras”.